નારણપુરામાં એવર બેલા ફ્લેટની બાલ્કનીની છત ધડાકાભેર તૂટી પડી

મણિનગર અને ગોમતીપુરની આ બંને ઘટનાઓએ આખા શહેરમાં ભારે ચકચાર મચાવી દીધી

અમદાવાદ, સોમવાર

અમદાવાદમાં ભયજનક મકાનો અચાનક ધરાશાયી થવાની ઘટનાઓને લઈ નાગરિકોમાં ભય પ્રસરી ગયો છે. તાજેતરમાં સતત બે દિવસમાં બે મકાનો આંશિક રીતે ધરાશાયી થયાં હતાં. મણિનગર અને ગોમતીપુરની આ બંને ઘટનાઓએ આખા શહેરમાં ભારે ચકચાર મચાવી દીધી હતી. હવે નારણપુરાના એવર બેલા ફ્લેટની બાલ્કનીની છત ગઈ કાલે અચાનક જ ધડાકાભેર તૂટી પડી હતી, જેના કારણે સ્થાનિક રહીશોમાં ભારે ગભરાટ ફેલાઈ ગયો હતો.