અમદાવાદીઓ સતર્ક રહેજો: મેઘરાજા ફરી બે દિવસ રૌદ્ર સ્વરૂપમાં ત્રાટકશે

રાજ્યમાં પાંચ દિવસ સાર્વત્રિક વરસાદ પડવાની આગાહી

અમદાવાદ, બુધવાર

શહેરમાં જાણે કે ચોમાસાએ વિરામ લીધો હોય તેવો માહોલ સર્જાયો છે. રાજ્યમાં પણ વરસાદનું કોઈ ખાસ જોર જણાતું નથી એટલે લોકો હાશકારો અનુભવી રહ્યા છે અને ભારે વરસાદના મારથી અસ્તવ્યસ્ત થયેલું જનજીવન થાળે પડ્યું છે. અમદાવાદની વાત કરીએ તો શહેરમાં પણ લોકો વરસાદ પડતો ન હોઈ નિરાંતમાં છે, કેમ કે નજીવા વરસાદથી શહેરમાં ઠેરઠેર પાણી ભરાઈ જતાં હોઈ લોકો પારાવાર મુશ્કેલીમાં મુકાય છે, જોકે અમદાવાદીઓએ વરસાદનો માર સહેવા માટે સતર્ક રહેવાની જરૂર છે, કેમ કે કે શુક્રવાર અને શનિવારે શહેરમાં ભારે વરસાદ થવાની શક્યતા છે.