વ્યાજના વિષચક્રમાં ફસાયેલા યુવક પર વ્યાજખોર સહિત પાંચ લોકોનો હુમલો

કૃષ્ણનગરનો બનાવઃ યુવકે આઠ લાખની સામે ૧ર લાખ વ્યાજ અને ત્રણ લાખ મૂડી આપી દીધી તે છતાંય હુમલો કરાયોઃ યુવકના પિતા અને મામા સાથે પણ વ્યાજખોરોએ મારઝૂડ કરી

અમદાવાદ, શુક્રવાર

શહેરના નરોડા વિસ્તારમાં રહેતા અને ઇવેન્ટ મેનેજમેન્ટની કંપની ધરાવતા વ્યાજખોરોના વિષચક્રથી બચવા માટે પોલીસનો સહારો લીધો યુવકે છે. યુવકે પાંચ લાખ રૂપિયા દસ ટકા અને ત્રણ લાખ રૂપિયા વીસ ટકા લેખે વ્યાજે લીધા હતા, જેમાં તેણે ૧૨ લાખ રૂપિયા વ્યાજ તેમજ ત્રણ લાખ મૂડી આપી દીધી હતી. રૂપિયા આપી દીધા બાદ પણ બચેલા રૂપિયા યુવકે વ્યાજખોરને ટુકડે ટુકડે આપી દેવાનું પ્રોમિસ કરતાં ગઇ કાલે મોડી રાતે વ્યાજખોર સહિત પાંચ લોકોએ તેના પર હુમલો કર્યો હતો. યુવક સિવાય તેના પિતા અને મામા ઉપર પણ હુમલો કરીને રૂપિયાની કડક ઉઘરાણી કરી હતી.