કોમનવેલ્થ ગેમ્સ-૨૦૨૬ઃ બજેટ વધી જતાં વિક્ટોરિયાએ યજમાનીનો ઇનકાર કરી દીધો

૧૬ રમતોનું આયોજન મેલબોર્ન, જિલોંગ, બેન્ડિગો, બેલાર્ટ અને જિપ્સલેન્ડમાં થવાનું છે

મેલબર્ન, મંગળવારઃ

વર્ષ ૨૦૨૬માં ઓસ્ટ્રેલિયાના યોજાનાર કોમનવેલ્થ ગેમ્સ પર સંકટનાં વાદળ છવાઈ ગયાં છે. વિક્ટોરિયા સરકારે બજેટ વધી જવાના કારણે આ રમતોત્સવની યજમાની કરવાનો ઇનકાર કરી દીધો છે. કોમનવેલ્થ ગેમ્સ ફેડરેશને વિક્ટોરિયાને ૨૦૨૬ની ગેમ્સની યજમાની ગત વર્ષે એપ્રિલમાં સોંપી હતી. ૧૬ રમતોનું આયોજન મેલબોર્ન, જિલોંગ, બેન્ડિગો, બેલાર્ટ અને જિપ્સલેન્ડમાં થવાનું છે.

વિક્ટોરિયા સરકારે કોમનવેલ્થ ગેમ્સ ફેડરેશનને આજે આ અંગેની જાણકારી આપી છે કે ગેમ્સના આયોજનનું બજેટ બે ગણાથી વધુ વધી ગયું છે. આ કારણથી અમે ૨૦૨૬માં કોમનવેલ્થ ગેમ્સનું આયોજન કરવા સક્ષમ નથી.