પત્નીના પ્રેમીને ઢોર માર માર્યા બાદ અપહરણ કરીને દાહોદ લઈ ગયા

યુવકનું સહકર્મચારીની પત્ની સાથે લફરું હતું: સહકર્મચારી પરિવારને લઈ દાહોદ જતો રહ્યો હતો અને બે મહિના બાદ બદલો લેવા અમદાવાદ આવ્યો

અમદાવાદ, શનિવાર

શહેરની નરોડા જીઆઇડીસીમાં આવેલી નર્સરીમાં માળી તરીકે નોકરી કરતા યુવકનું અપહરણ કરીને ચાર શખ્સો રિક્ષામાં દાહોદ લઇ જતાં પોલીસ દોડતી થઇ છે. યુવકનું તેના સહકર્મચારીની પત્ની સાથે લફરું હતું, જેના કારણે આ ઘટના ઘટી છે. સહકર્મચારી યુવક સાથે સમાધાન કર્યા બાદ પત્ની અને બાળકોને લઇ પોતાના વતન જતો રહ્યો હતો, જોકે બે મહિના બાદ તે બદલો લેવા માટે અમદાવાદ આવ્યો હતો અને યુવકનું અપહરણ કર્યું હતું.