રાજ્યમાં ૨૭ જુલાઈથી વરસાદનું જોર વધી શકે છે

૫ ઓગસ્ટ સુધી પશ્ચિમ ભારતમાં વરસાદી માહોલ છવાશેઃ છેલ્લા ૨૪ કલાકમાં ૧૩૬ તાલુકામાં વરસાદ

અમદાવાદ, બુધવાર

ગુજરાતમાં સહિત મોટા ભાગના વિસ્તારમાં અમદાવાદ હવે દે માર વરસાદ વરસી અમદાવાદીઓ તો રહ્યો નથી. શનિવારની સમી સાંજે પડેલા અતિ ભારે વરસાદને હજુ સુધી ભૂલી શક્યા નથી. જોકે છેલ્લા ત્રણ દિવસથી શહેરીજનો વરસાદના મામલે ઓછા-વધતા પ્રમાણાં પડતાં વરસાદી ઝાપટાંથી રાહત અનુભવે છે. શહેરમાં આમ પણ ટ્રાફિકના પ્રશ્નો આખું વર્ષ લોકોને કનડતા રહ્યા છે તેવા સમયે વરસાદી આફતથી ઠેર ઠેર જળબંબાકાર થવાના કારણે લોકો મનોમન ભારે વરસાદ ઇચ્છતા નથી. રાજ્યમાં ત્રીજા રાઉન્ડના વરસાદે જે પ્રકારે ખાનાખરાબી સર્જી છે. તેનાથી હજારો કરોડ રૂપિયાનું નુકસાન થઈ ચૂક્યું છે. જોકે હવે વરસાદના ચોથા રાઉન્ડને લગતી અટકળો થવા લાગી છે, જે મુજબ રાજ્યમાં ૨૭ જુલાઈથી ફરી વરસાદનું જોર વધી શકે તેમ છે.