લાખો અમદાવાદીઓના જાનમાલની સલામતી માટે દોડનારા ફાયર બ્રિગેડમાં સ્ટાફની અછત

તંત્રતા ૨૦૧૫-૧૬ના મહેકમ મુજબ ૪૦ ટકા જગ્યા ભરાઈ નથી: ૬૪ ફાયરમેનની જગ્યા ભરવાની બાકી છે

અમદાવાદ, શુક્રવાર

મ્યુનિસિપલ ફાયર બ્રિગેડની પ્રતિષ્ઠા દેશભરમાં છે. બિહાર જેવા દૂરસુદૂરના રાજ્યમાં જ્યારે નદીમાં પૂર આવે છે ત્યારે આપણા ફાયર બ્રિગેડના જાંબાઝ જવાનો મદદ માટે દોડી જાય છે. શહેરના લાખો નાગરિકોની આગ કે અકસ્માત જેવી કુદરતી કે માણસ સર્જિત આફત વખતે જીવસટોસટની બાજી લગાવનારા ફાયર બ્રિગેડ વિભાગમાં કમનસીબે સ્ટાફની અછત હોવાનું જાણવા મળ્યું છે. માનવબળ ઓછું હોવાથી ફાયર બ્રિગેડને રોજબરોજનાં કામોમાં પણ તાણ અનુભવવી પડે છે.