કન્જક્ટિવાઇટિસઃ મંદીની સિઝનમાં ગોગલ્સના ભાવ અને વેચાણમાં ૨૦ ટકાનો ઉછાળો આવ્યો

હોલસેલ ભાવમાં વધારો થતા રૂ. ૮૦માં મળતા ગોગલ્સ રૂપિયા ૧૫૦માં વેચાવા લાગ્યા

અમદાવાદ, મંગળવાર

છેલ્લા એક મહિનાથી બીમારી કન્જક્ટિવાઇટિસની લોકોને ત્રસ્ત કરી રહી છે. કન્જક્ટિવાઇટિસની બીમારીનો ભોગ બનનાર વ્યક્તિને આંખ બાબતે કાળજી લેવા ઉપરાંત પોતાનો આંખનો ચેપ અન્ય વ્યક્તિને લાગતો અટકી શકે તે માટે ગોગલ્સ પહેરવા પણ હિતાવહ છે. જેને પરિણામે ગોગલ્સ અને નંબર વગરના ચશ્માંના ભાવમાં ડબલ ઉછાળો આવ્યો છે. સામાન્ય રીતે રૂપિયા ૭૦થી ૮૦માં મળતા ગોગલ્સના ભાવ હાલમાં રૂપિયા ૧૦૦ના ભાવથી શરૂ થઈને રૂ. ૨૦૦ સુધી બજારમાં વેચાઇ રહ્યા છે.