વિકૃત સસરાએ પુત્રવધૂને કહ્યું: હું તને વીસ હજાર રૂપિયા આપું છું તું મારી સાથે સૂઈ જા

ઇન્દિરાબ્રિજ સર્કલ નજીકની ઘટના: પુત્રવધૂએ ઘરેથી જતા રહેવાનું કહેતાં સસરાએ તેની લાજ લેવાની કોશિશ કરી હતી

અમદાવાદ, શુક્રવાર

પિતા સમાન કહેવાતા સસરાએ પુત્રવધૂની લાજ લેવાની કોશિશ કરતાં મામલો પોલીસ સ્ટેશન સુધી પહોંચ્યો છે. દીકરો કામ પર જતાં ખોરી નિયત સાથે સસરા પુત્રવધૂને મળવા માટે આવ્યા હતા. જ્યાં તેમણે પુત્રવધૂને કહ્યું હતું કે હું તને વીસ હજાર રૂપિયા આપું છું. તું મારી સાથે સૂઇ જા. પુત્રવધૂએ સસરાને ઘરની બહાર નીકળી જવાનું કહ્યું તો સસરાએ પોતાની હવસની ભૂખ મીટાવવા માટે પુત્રવધૂ સાથે બળજબરી કરવાની કોશિશ કરી હતી. પુત્રવધૂએ બૂમાબૂમ કરતાં આસપાસના લોકો દોડી આવતાં સસરા નાસી છુટ્યા હતા.