UPના સંભલમાં જુમ્માની નમાજને લઈ હાઈ એલર્ટ: જામા મસ્જિદના ગેટ પર મેટલ ડિટેક્ટર લગાવાયાં

પીએસીની ૧૫ અને આરએએફની બે કંપનીઓ તહેનાત પોલીસની ફ્લેગ માર્ચ

ઉત્તરપ્રદેશના સંભલમાં શાહી જામા મસ્જિદના સર્વેને લઈ થયેલી હિંસા બાદ આજે જુમ્માની નમાજ યોજાવાની છે. આ સાથે કોર્ટમાં સુનાવણી પણ ચાલી રહી છે, જેને લઈ પોલીસે આ વિસ્તારમાં હાઈ એલર્ટ જાહેર કરી દીધું છે. જુમ્માની નમાજ અને કોર્ટની સુનાવણીને ધ્યાનમાં રાખીને કડક સુરક્ષા વ્યવસ્થા કરવામાં આવી છે. સંવેદનશીલ વિસ્તારો પર ખાસ ધ્યાન રાખવામાં આવી રહ્યું છે. પોલીસ પ્રશાસનની ટીમ કાયદો-વ્યવસ્થા જાળવવા માટે સંપૂર્ણ સતર્ક છે.

સંભલમાં આજે શુક્રવારની નમાજને ધ્યાનમાં રાખીને પોલીસ અધિકારીઓની સાથે ૭૦ જિલ્લા મેજિસ્ટ્રેટને પણ તહેનાત કરવામાં આવ્યા છે. આ અધિકારીઓને પોલીસ દ્વારા નિયત કરાયેલી જગ્યાઓ પર તહેનાત કરવામાં આવશે. આ સાથે લોકોને મસ્જિદમાં શાંતિપૂર્ણ રીતે શુક્રવારની નમાજ અદા કરવા અપીલ કરવામાં આવી છે. આ સાથે મસ્જિદમાં બહારના લોકોને આવવાની મનાઈ છે. સુરક્ષાને ધ્યાનમાં રાખીને સમગ્ર વિસ્તારમાં ભારે પોલીસ બંદોબસ્ત ગોઠવી દેવામાં આવ્યો છે.

સંવેદનશીલ વિસ્તારો પર ચાંપતી નજર