શાહીબાગમાં આવેલી ફોરેન પોસ્ટ ઓફિસમાં કપડાંના પાર્સલમાંથી રૂ. સવા કરોડનો હાઈબ્રિડ ગાંજો ઝડપાયો

થાઈલેન્ડથી આવેલા કપડાંના પાર્સલમાં ગાંજો છુપાવ્યો હતોઃ શિયાળો શરૂ થતાં ચરસ, એમડી ડ્રગ્સ અને ગાંજાનું સેવન કરવાનું પ્રમાણ વધી ગયું

જ્યારે ડ્રગ્સનું નામ પડે ત્યારે માતાપિતા ચિંતામાં આવી જતાં હોય છે કે ક્યાંક આપણાં સંતાનો તો ડ્રગ્સના રવાડે નહીં ચઢી ગયાં હોય ને. પાકિસ્તાનથી આવતું કરોડો રૂપિયાનું ડ્રગ્સ, રાજ્યમાં બનાવવામાં આવતું એમડી ડ્રગ્સ તેમજ વિદેશથી પાર્સલની આડમાં આવતો ગાંજો એ વાત પુરવાર કરે છે કે યુવાઓ ડ્રગ્સના રવાડે ચઢીને બરબાદીના રસ્તે જઈ રહ્યા છે. રમકડાં તેમજ પાર્સલની આડમાં કરોડો રૂપિયાનો હાઈબ્રિડ ગાંજો કુરિયર મારફતે આવી રહ્યો છે. થોડા સમય પહેલાં સાયબર ક્રાઇમ, ક્રાઇમ બ્રાંચ તેમજ કસ્ટમ વિભાગે કરોડો રૂપિયાનો હાઈબ્રિડ ગાંજો ઝડપી પાડ્યો હતો. ગઈ કાલે પણ કસ્ટમ વિભાગની ટીમે ફોરેન પોસ્ટ ઓફિસમાંથી સવા કરોડની કિંમતનો ગાંજો ઝડપી પાડ્યો છે.