ફડણવીસના માથે ત્રીજી વખત CM પદતો તાજ: PM મોદી અને નીતીશકુમાર સહિતના દિગ્ગજ સામેલ થશે

આજે સાંજે ૫.૩૦ વાગ્યે મુંબઈના આઝાદ ભવ્ય શપથ ગ્રહણ સમારોહ

દેવેન્દ્ર ફડણવીસ આજે મહારાષ્ટ્રના મુખ્યપ્રધાન તરીકે શપથ લેવા જઈ રહ્યા છે. તેઓ ત્રીજી વખત રાજ્યનું સીએમ પદ સંભાળશે. આજે વડા પ્રધાન નરેન્દ્ર મોદી અને એનડીએના નેતાઓની હાજરીમાં ત્રીજી વખત તેઓ મુખ્યપ્રધાન પદનો તાજ પહેરશે. મુંબઈના આઝાદ મેદાનમાં સાંજે ૫.૩૦ કલાકે ફડણવીસ શપથ લેશે. તેમની સાથે અજિત પવાર પણ ડેપ્યુટી સીએમ તરીકે શપથ લેશે. એકનાથ શિંદે પણ ડેપ્યુટી સીએમ તરીકે શપથ લઈ શકે છે, જો કે તે હજુ સ્પષ્ટ થયું નથી. આ કાર્યક્રમમાં વડા પ્રધાન, ગૃહપ્રધાન અમિત શાહની સાથે બિહારના મુખ્યપ્રધાન નીતિશકુમાર અને આંધ્રપ્રદેશના સીએમ ચંદ્રબાબુ નાયડુ પણ ભાગ લેશે. સમારંભ પહેલાં મુંબઈના આઝાદ મેદાનની આસપાસ દેવેન્દ્ર ફડણવીસનાં પોસ્ટરો લગાવવામાં આવ્યાં હતાં. ફડણવીસના સમર્થકોએ આ પોસ્ટરો દ્વારા તેમના નેતાને અભિનંદન પાઠવ્યા છે.

દેવેન્દ્ર ફડણવીસ ઉપરાંત રાધાકૃષ્ણ વિખે-પાટીલ, સુધીર મુનગંટીવાર, ચંદ્રકાંત પાટીલ, ગિરીશ મહાજન, સુરેશ ખાડે, ૨વીન્દ્ર ચૌહાણ, અતુલ સાવે, મંગલ પ્રભાત લોઢા, રાહુલ નાર્વેકર, જયકુમાર રાવલ, ચંદ્રશેખર બાવનકુલે, બબનરાવ લોણીકર, પંકજા મુંડે, દેવયાની ફરંદે, કિસન કથોરે, નિતેશ રાણે, આશિષ શેલાર, સંભાજી નિલંગેકર, રાહુલ કુલ પણ શપથ લઈ શકે છે.