અલગ અંદાજની થીમ બેઈઝડ કંકોતરીનો ક્રેઝ

આધુનિક યુગની માગઃ ગિફ્ટ વગરની કંકોતરી અધૂરી, કંકોતરીતી કિંમતથી અનેકગણી મીઠાઈ, ગિફ્ટ કે ડ્રાયફ્રૂટ સાથે આમંત્રણનો ટ્રેન્ડ

આ વર્ષે શહેરમાં લગ્ન સિઝન પૂરબહારમાં ખીલી ઊઠી છે. ચારે તરફ ઢોલ ઢબૂકી રહ્યા છે. સૌ કોઇ પોતાનાં લગ્નને ખાસ બનાવવામાં વ્યસ્ત છે ત્યારે મહેમાનોને આમંત્રણ પણ હટકે આપવાનો ટ્રેન્ડ વધતાં લગ્નની શરૂઆત કંકોતરીથી થાય છે. ઘણા લોકો કંકોતરીની અનોખી ડિઝાઇન પસંદ કરે છે. એક સમયે માત્ર કંકોતરી મોકલીને મહેમાનોને લગ્નનું આમંત્રણ આપવાનો ટ્રેન્ડ હતો તે હવે ઘટી ગયો છે. તેનું સ્થાન ડિજિટલ કંકોતરી અથવા ફિઝિકલ કંકોતરી એ લીધું છે. સાથે સાથે ગિફ્ટનો ટ્રેન્ડ વધી રહ્યો છે. કંકોતરીમાં અનેક વેરાયટી જોવા મળી રહી છે. હવે લગ્નના દરેક પ્રસંગ હલદી, મેંદી, સંગીત, બેચલર પાર્ટી, મંડપ મુહૂર્ત, મામેરું અને લગ્ન તેમજ રિસેપ્શન માટે અલગ અલગ કંકોતરી એટલે કે આમંત્રણ કાર્ડ તૈયાર કરવામાં આવે છે અને પ્રસંગ અનુસાર મહેમાનોને બોલાવવામાં આવે ડ્રાયફ્રૂટ છે. સાથે એ પ્રમાણે ગિફ્ટ મૂકવામાં આવે છે.