ફિલિપાઈન્સના કાનલોન જ્વાળામુખીમાં વિસ્ફોટઃ ૮૭,૦૦૦ લોકોનું રેસ્ક્યુ કરાયું

આસપાસના વિસ્તારમાં ભયનો માહોલ સર્જાયો, 3000 મીટર સુધી મોજાં ઊછળ્યાં

મધ્ય ફિલિપાઇન્સમાં કાનલોન જ્વાળામુખી ગઈ કાલે બપોરે ફાટ્યો હતો, જેના કારણે મોટા પ્રમાણમાં લાવાનો જથ્થો બહાર આવવા લાગ્યો, જે વેન્ટથી ૩,૦૦૦ મીટર ઉપર ખૂબ જ ઝડપથી ઊછળ્યો હતો, જેના કારણે સમગ્ર વિસ્તારમાં ભયનો માહોલ સર્જાયો હતો. ફિલિપાઈન સિવિલ ડિફેન્સ ઓફિસે જણાવ્યું હતું કે કાનલોન જ્વાળામુખી ફાટવાના કારણે લગભગ ૮૦,૦૦૦ લોકોને તાત્કાલિક બચાવી લેવામાં આવ્યા હતા અને સુરક્ષિત સ્થાન પર ખસેડવામાં આવ્યા હતા.

ફિલિપાઈન ઇન્સ્ટિટ્યૂટ ઓફ વોલ્કેનોલોજી એન્ડ સિસ્મોલોજીએ એલર્ટ લેવલ વધારી દીધું છે. સંસ્થાએ ચેતવણી આપી હતી કે મેગ્નેટિક વિસ્ફોટ શરૂ થયો છે, જે વધુ વિસ્ફોટો તરફ દોરી શકે છે. વિસ્ફોટના થોડા કલાકો પહેલાં રાજ્યના જ્વાળામુખી નિષ્ણાતોએ છ જ્વાળામુખી ધરતીકંપ અને ૧૬ મિનિટનું રાખ ઉત્સર્જન નોંધ્યું હતું. કાનલોન જ્વાળામુખી છેલ્લે જૂન-૨૦૨૪માં ફાટ્યો હતો. જ્વાળામુખી નીગ્રોસ ટાપુ પર નીગ્રોસ ઓરિએન્ટલ અને નીગ્રોસ ઓક્સિડેન્ટલના પ્રાંતમાં ફેલાયેલો છે અને તે દેશના સૌથી સક્રિય જ્વાળામુખી પૈકી એક છે.