જીવનમાં આવતી મુશ્કેલીઓ દ્વારા જ માનવીના મનનું અસલી ઘડતર થાય

મુશ્કેલીઓથી ડરીને ન ચાલતાં તેને આવશ્યક સમજીને માણસે તેને આવકારવાની જરૂર છે

મુશ્કેલીઓથી ડરીને ન ચાલતાં તેને આવશ્યક સમજીને માણસે તેને આવકારવાની જરૂર છે અને આમ પણ મુશ્કેલી તું આવતી નહીં કહેવાથી આવનારી મુશ્કેલી કંઇ અટકી જવાની નથી. જીવનમાં આવતી મુશ્કેલીઓ દ્વારા માનવીના મનનું ઘડતર થાય છે. એક પ્રસંગ અનુસાર એક ધર્મગુરુ પાસે તેમના શિષ્યે આવીને કહ્યું કે પ્રભુ, મને હવે જીવનમાં કોઇ રસ રહ્યો નથી. આના કરતાં તો મોત આવે તો સારું, પણ મોતને ગળે લગાડવાનું કોઇ કારણ? શું કરું એટલી બધી મુશ્કેલીઓથી ઘેરાઈ ગયો છું કે તેમાંથી બહાર નીકળવાનો કોઇ રસ્તો જ સૂઝતો નથી.