અમરાઈવાડીના આફ્રિકાવાલા એસ્ટેટમાં દસ ગેરકાયદે ઈન્ડસ્ટ્રિયલ યુનિટને તોડી પડાયા

તંત્રએ સમગ્ર પૂર્વ ઝોનમાં સપાટો બોલાવી ૪૨ વાહનોને લોક મારી રૂ. ૧૨,૦૦૦નો દંડ વસૂલ્યો

મ્યુનિસિપલ કોર્પોરેશનના સત્તાધીશો દ્વારા એસ્ટેટ અને ટીડીઓ વિભાગને ખાસ સૂચના આપવામાં આવી છે કે શહેરમાં આડેધડ ઊભાં કરાયેલાં ગેરકાયદે બાંધકામો સામે આક્રમક કાર્યવાહી કરવામાં આવે. ખાસ કરીને શહેરના પૂર્વ ઝોનના વિવિધ ઇન્ડસ્ટ્રિયલ વિસ્તારોમાં અનેક ગેરકાયદે બાંધકામો ખડકી દેવાયાં હોવાની ફરિયાદો છાશવારે ઊઠી રહી છે ત્યારે અમરાઈવાડી વોર્ડના આફ્રિકાવાલા એસ્ટેટમાં દસ ગેરકાયદે ઇન્ડસ્ટ્રિયલ યુનિટને તોડી પડાતાં આ પ્રકારનું ગેરકાયદે બાંધકામ કરનારાં તત્ત્વોમાં ભારે ફફડાટ ફેલાયો છે.