తెలుగు రాష్ట్రాలకు బీసీసీఐ అన్యాయం..!

తెలుగు రాష్ట్రాలు క్రికెట్ అసోసియేషన్స్కు భారత క్రికెట్ నియంత్రణ మండలి(బీసీసీఐ) మరోసారి తీరని అన్యాయం చేసింది.

తెలుగు రాష్ట్రాలు క్రికెట్ అసోసియేషన్స్కు భారత క్రికెట్ నియంత్రణ మండలి(బీసీసీఐ) మరోసారి తీరని అన్యాయం చేసింది. టీమిండియాకు సంబంధించిన 204-25 హోమ్ సీజన్కు సంబంధించిన షెడ్యూల్లో ఒకే ఒక్క మ్యాచ్ కేటాయించింది. అది కూడా బంగ్లాదేశ్తో చివరి టీ20 మ్యాచ్కు హైదరాబాద్ను వేదికగా ఎంపిక చేసింది.

హైదరాబాద్ క్రికెట్ అసోసియేషన్(హెచ్సీఏ) ఆధ్వర్యంలో ఈ మ్యాచ్ జరగనుంది. మరోవైవు ఆంధ్ర క్రికెట్ అసోసియేషన్(ఏసీఏ)కు ఒక్క మ్యాచ్ ఇవ్వలేదు. వైజాగ్ వేదికగా ఒక్క మ్యాచ్ను కూడా షెడ్యూల్ చేయలేదు. భారత్ వేదికగా జరిగిన వన్డే ప్రపంచకప్ 2023 సమయంలోనూ తెలుగు రాష్ట్రాల పట్ల బీసీసీఐ ఇదే వివక్షను కొనసాగించింది. హైదరాబాద్ వేదికగా ఇతర దేశాల లీగ్ మ్యాచ్లను కేటాయించిన బీసీసీఐ.. వైజాగ్కు ఒక్క మ్యాచ్ ఇవ్వలేదు.

దాంతో తెలుగు రాష్ట్రాల అభిమానులు బీసీసీఐపై ఆగ్రహం వ్యక్తం చేస్తున్నారు.