"பாதுகாப்புக்கு பங்கமில்லை"

விஜித ஹேரத் தெரிவிப்பு; அனுரவின் கையொப்பம் எங்கே என கேட்கிறார்

உள்நாட்டை சேர்ந்தவர்கள் மட்டுமன்றி, வெளிநாட்டுச் சுற்றுலாப் பயணிகளின் பாதுகாப்புக்கும் எவ்விதமான பங்கமும் ஏற்படாத வகையில் பாதுகாப்பு ஏற்பாடுகள் பலப்படுத்தப்பட்டுள்ளன என்று தெரிவித்த அமைச்சரவைப் பேச்சாளர் அமைச்சர் விஜித ஹேரத், தகவல்கள் தொடர்பில் விரிவான விசாரணைகள் முன்னெடுக்கப்படுகின்றன என்றார்.

இந்தியாவில் இருந்து வரும் விமானங்களில் வெடிபொருள் அச்சுறுத்தல் இருப்பதாகக் கூறி, கட்டுநாயக்கவில் தரையிறக்கப்படுகின்றன. அவை புரளிகள் என்பது இனங்காணப்பட்டுள்ளது என்றாலும், பாதுகாப்பு ஏற்பாடுகள் தீவிரப்படுத்தப்பட்டுள்ளன என்றும் கூறினார்.

அறுகம்பே விவகாரம் தொடர்பில், இலங்கைக்கான அமெரிக்கத் தூதுவர் ஜூலி சங், எனக்கு தனிப்பட்ட ரீதியில் அறிவித்திருந்தார். அதன்பின்னரே, எச்சரிக்கை விடுக்கப்பட்டது. எனினும், பயணத்தடை எவையும் விதிக்கப்படவில்லை. இவை தொடர்பில் பாதுகாப்பு பேரவை கலந்துரையாடி தீர்மானம் எடுத்துள்ளது என்றும் அவர் தெரிவித்தார்.