சுங்கச்சாவடிகளுக்கு எதிர்ப்பு: வன்முறையில் முடிந்த மனிதநேய மக்கள் கட்சி போராட்டம்

திருச்சி: தேசிய நெடுஞ்சாலைகளில் மத்திய அரசு சுங்கச்சாவடிகள் அமைத்து கட்டணம் வசூலிப்பதைக் கண்டித்து மனித நேய மக்கள் கட்சி நடத்திய போராட்டம் வன்முறையில் முடிந்தது.

திருச்சி, தஞ்சாவூர் இடையே துவாக்குடியில் உள்ள சுங்கச் சாவடியை திங்கட்கிழமை முற்றுகையிட்டு அக்கட்சியினர் போராட்டம் நடத்தினர்.

இதற்குத் தலைமை வகித்த அக்கட்சியின் மாநில பொதுச் செயலாளரும் மணப்பாறை சட்டப்பேரவைத் தொகுதி உறுப்பினருமான அப்துல் சமது, தமிழகத்தில் மட்டும் தேசிய நெடுஞ்சாலை ஆணையத்தின் கட்டுப்பாட்டில் 70 சுங்கச்சாவடிகள் உள்ளதாகவும், அவற்றின் மூலம் பொதுமக்கள் நாள்தோறும் ரூ.50 கோடியை சுங்கக்கட்டணமாகச் செலுத்துவதாகவும் குறிப்பிட்டார்.