இவ்வாண்டு முற்பாதியில் 19 வேலையிட மரணங்கள்

2028க்குள் வேலையிட மரணத்தை வெகுவாகக் குறைக்க இலக்கு

வேலையிடப் பாதுகாப்பு, சுகாதாரத்தில் சிங்கப்பூர் சென்ற ஆண்டு கண்ட முன்னேற்றம், 2024ன் முற்பாதியிலும் தொடர்ந்ததாக மனிதவள அமைச்சு புதன்கிழமை (அக்டோபர் 9) தெரிவித்தது.

கொவிட்-19 பெருந்தொற்று பரவிய 2020ஆம் ஆண்டைத் தவிர்த்து, சென்ற ஆண்டு வேலையிட மரண விகிதம் சிங்கப்பூர் வரலாற்றிலேயே ஆகக் குறைவாக, 100,000 ஊழியர்களுக்கு 0.99 (மொத்தம் 36 மரணங்கள்) என இருந்தது.

அந்த விகிதம் 2024ன் முற்பாதியில் 1.0 (19 மரணங்கள்) எனச் சற்றே உயர்ந்துள்ளது. எனினும், 2023க்கு முந்தைய ஆண்டுகளோடு ஒப்பிடுகையில் (2020ஐ தவிர்த்து) இவ்விகிதம் குறைவு. இவ்விகிதம் 2022ல் 1.3, 2019, 2021ஆம் ஆண்டுகளில் 1.1 என்றிருந்தது.

"வரும் 2028ஆம் ஆண்டுக்குள் வேலையிட மரணத்தை 100,000 ஊழியர்களுக்கு 1.0க்குக் கீழ் குறைப்பதே சிங்கப்பூரின் இலக்கு. குறிக்கோளை அடைவது மட்டும் முக்கியமன்று. அதனைத் தக்கவைக்கவும் வேண்டும்," என்று மனிதவள, தற்காப்பு மூத்த துணை அமைச்சர் ஸாக்கி முகம்மது கூறினார்.

அபாயமிக்க துறைகளில் அதிக மரணங்கள் பதிவு