வட காஸாவில் இஸ்ரேல் தாக்குதல்; பலர் மரணம்

வட காஸாவில், ‘பீட் லஹியா’ நகரில் உள்ள குடியிருப்புக் கட்டடம் ஒன்றின்மீது இஸ்ரேல் நடத்திய தாக்குதலில் குறைந்தது 93 பாலஸ்தீனர்கள் கொல்லப்பட்டனர் அல்லது காணாமல்போயினர்.

அதோடு, பலர் காயமடைந்துள்ளதாக காஸா சுகாதார அமைச்சு தெரிவித்தது. அந்தத் தாக்குதல் கொடூரமானது என்று அமெரிக்கா கூறியது.

மாண்டோரில் குறைந்தது 20 பேர் குழந்தைகள் என்று மருத்துவ அதிகாரிகள் தெரிவித்தனர்.

“பாதிக்கப்பட்டோரில் சிலர் இன்னும் இடிபாடுகளில் சிக்கியுள்ளனர். வேறு சிலர் சாலைகளில் உள்ளனர். அவசர மருத்துவ வாகன, குடிமைத் தற்காப்பு அதிகாரிகளால் அவர்களைச் சென்றடைய முடியவில்லை,” என்று அமைச்சு அறிக்கை ஒன்றில் கூறியது.