கணவரால் சிறுமியைக் கொன்றதாக பெண் வாக்குமூலம்

அண்மையில் சிறுமி படுகொலை செய்யப்பட்ட சம்பவம் பலரை அதிர்ச்சிக்கு உள்ளாக்கியது.

இந்த நிலையில் வீட்டுக்கு வேலை செய்ய வந்த சிறுமியைக் கொன்ற காரணத்தை விசாரணையில் பெண் தெரிவித்துள்ளார்.

சென்னை அமைந்தகரை மேத்தா நகரில் உள்ள அடுக்குமாடி குடியிருப்பில் ஓராண்டுக்கு மேலாக முகமது நிஷாத், 36, நாசியா, 30 என்ற தம்பதியர் வாடகைக்கு குடியிருந்து வருகின்றனர். இவர்களுக்கு ஆறு வயதில் மகன் உள்ளார்.

முகமது நிஷாத், பழைய கார்களை வாங்கி விற்பனை செய்யும் தொழிலில் ஈடுபட்டு வந்தார்.

இந்த நிலையில் மகனை பார்த்துக்கொள்வதற்காக தஞ்சாவூர் மாவட்டத்தைச் சேர்ந்த சிறுமி அருந்ததி தேவியை, 15, வீட்டு வேலைக்கு அமர்த்தியிருந்தனர்.