உறங்குமுன் நூல் வாசிப்பதன் பயன்கள்

சிங்கப்பூரில் நம் அனைவருக்கும் போதுமான தூக்கம் அவசியம். இருப்பினும், தூக்கமின்மை பொதுச் சுகாதார நெருக்கடியாக உருவெடுத்துள்ளது.

தூக்கம் இல்லாத நகர்கள் பட்டியலில் சிங்கப்பூர் மூன்றாவது இடத்தில் உள்ளது அண்மைய ஆய்வு ஒன்றில் தெரியவந்தது.

ஆய்வில் பங்கேற்றவர்களில் 17 விழுக்காட்டினர் மட்டுமே இரவில் போதுமான உறக்கம் பெறுகின்றனர் என்பது தெரியவந்தது. அதோடு, நால்வில் ஒருவர் மட்டுமே அன்றாடம் குறைந்தது ஏழு மணி நேரம் தூங்குகிறார் என்பது கண்டறியப்பட்டது.

இரவில் ஆழ்ந்த தூக்கம் பெறுவதற்கான முக்கிய வழிகளில் ஒன்று, உறங்குவதற்கு முன் நூல் வாசிப்பது.

மின்னிலக்கச் சாதனங்கள்

உறங்குவதற்கு முன் ஒன்றரை மணி நேரம் வரை கைப்பேசியைப் பயன்படுத்துவது, உடலில் மெலடோனின் (melatonin) ஹார்மோன் உற்பத்தியைக் குறைக்கிறது. இதனால் தூங்குவதற்கு தாமதமாகலாம்.