பள்ளி வெளிநாட்டுப் பயணத்தில் உயிரிழந்த சிங்கப்பூர் மாணவர்

சிங்கப்பூரின் செயின்ட் ஜோசஃப்ஸ் இன்ஸ்டிடியூ‌ஷன் (எஸ்ஜேஐ) அனைத்துலகப் பள்ளியைச் சேர்ந்த 15 வயது மாணவர் ஒருவர் பள்ளி வெளிநாட்டுப் பயணத்தின்போது மாலத்தீவில் உயிரிழந்துவிட்டார்.

சிங்கப்பூரரான ஜெனா சான் எனும் அந்த ஒன்பதாம் வகுப்பு மாணவர், தேசிய இளையர் சாதனை விருது தொடர்பில் மாலத்தீவிற்குப் பயணம் மேற்கொண்டார் என்று எஸ்ஜேஐ பள்ளியின் தலைமை நிர்வாகி டாக்டர் மைக்கல் ஜான்ஸ்டன் சனிக்கிழமையன்று (நவம்பர் 9) தெரிவித்தார்.

“இந்தத் துயரமான நேரத்தில் ஜெனாவின் குடும்பத்தார், நண்பர்கள், ஒட்டுமொத்தப் பள்ளிச் சமூகத்துக்கு எங்களின் ஆழ்ந்த இரங்கலை தெரிவித்துக்கொள்கிறோம்,” என்று அவர் வருத்தம் தெரிவித்தார்.