பருவமழையின் தீவிரத்தால் வெளிப்புற வர்த்தகங்களுக்குப் பாதிப்பு

கடந்த இரண்டு நாள்களாக தொடர்ந்து பெய்த மழையால், கம்போங் கிளாம் ரமலான் சந்தையில் உள்ள கடை உரிமையாளர்கள் உட்பட, சில வெளிப்புற வர்த்தக உரிமையாளர்கள் மிகுந்த கவலை அடைந்துள்ளனர்.

தங்கள் விற்பனை 50 விழுக்காடு வரை சரிந்துள்ளதாக அவர்கள் தெரிவித்தனர். ஆயினும், இழப்புகளை ஈடுசெய்ய சிலர் இணைய விற்பனை மற்றும் புதுமையான உணவுப் பட்டியலை நாட முடிவு செய்துள்ளனர்.

கம்போங் கிளாம் சந்தையில், மார்ச் 25ஆம் தேதி சந்தை மூடப்படுவதற்கு முன்பு முடிந்தவரை விற்பனையை அதிகரிக்க முயல்வதாக கடை உரிமையாளர்கள் வியாழக்கிழமை (மார்ச் 20) சேனல் நியூஸ் ஏஷியாவிடம் தெரிவித்தனர்.