ધોરણ 10ના ફોર્મ ત્રણ તબક્કામાં લેઈટ ફી સાથે સ્વીકારવામાં આવશે

મંગળવારે ફોર્મ ભરવાની મુદત પૂર્ણ થતાં રેગ્યુલર ફી સાથે 18 ડિસેમ્બર સુધી ફોર્મ સ્વીકારાશે 19 ડિસેમ્બરથી 7 જાન્યુઆરી સુધી 3 તબક્કામાં લેઈટ ફી સાથે ફોર્મ સ્વીકારવાનો શિક્ષણ બોર્ડનો નિર્ણય

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા માર્ચ2023માં લેવામાં આવનારી ધો.10ની પરીક્ષા માટેના ફોર્મ ભરવાની મુદતમાં વધારો કરવામાં આવ્યો છે. મંગળવારના રોજ ફોર્મ ભરવાની મુદત પૂર્ણ થયા બાદ શિક્ષણ બોર્ડ દ્વારા ફોર્મ ભરવાની મુદત લંબાવી રેગ્યુલર ફી સાથે ફોર્મ સ્વીકારવાની મુદત 18 ડિસેમ્બર સુધી કરી છે. રેગ્યુલ૨ ફી સાથે ફોર્મ સ્વીકારવાની મુદત પૂર્ણ થયા બાદ 19 ડિસેમ્બરથી 7 જાન્યુઆરી સુધી ત્રણ તબક્કામાં લેઈટ ફી સાથે ફોર્મ સ્વીકારવાનું નક્કી કરાયું છે. જેમાં પ્રથમ તબક્કા માટે રૂ. 250 લેઈટ ફી, બીજા તબક્કા માટે રૂ. 300 લેઈટ ફી અને ત્રીજા તબક્કા માટે રૂ. 350 લેઈટ ફી રાખવામાં આવી છે.