વસ્ત્રાપુરમાંથી બે વર્ષની બાળકીનું અપહરણ, કૂતરાં ભસ્યા ને બાળકી બચી ગઇ

જુદી જુદી હોટેલમાં વાસણ સાફ કરવાનું કામ કરતા વિજય મહંતોએ દુષ્કર્મના ઇરાદે અપહરણ કર્યું શખ્સ દુષ્કર્મ માટે ગાર્ડનમાં લઇ ગયો, પરંતુ વોચમેન દોડી આવતાં તેને મૂકીને વિજય ભાગી ગયો

શું હવે અમદાવાદમાં બાળકીઓ સલામત નથી? થોડા સમય પહેલા જ એક બાળકીનું અપહરણ થયું હતું. અપહરણકર્તાએ તેને દુષ્કર્મ માટે આખી રાત પોતાની સાથે રાખી, પરંતુ સલામત જગ્યા નહિ મળતાં બાળકી બચી ગઇ. તેવી જ વધુ એક ઘટનાનું પુનરાવર્તન શહેરમાં થયું છે. વસ્ત્રાપુરમાં ગરીબ પરિવારની બે વર્ષની બાળકીનું અપહરણ કરી યુવક તેને દુષ્કર્મ માટે વસ્ત્રાપુર લેક ગાર્ડનમાં લઇ ગયો, પરંતુ કુતરાં ભસતાં વોચમેને દોડી આવતાં બાળકી બચી ગઇ. જોકે, ક્રાઇમ બ્રાંચે આ વિકૃત યુવકને 36 કલાકની મહેનત કરીને 100થી વધુ સીસીટીવી કેમેરા ચેક કરી શોધી કાઢ્યો છે.