పకడ్బందీగా 'దిశ' అమలు

అత్యాచారాల నిందితులను వెంటనే అదుపులోకి.. కఠిన శిక్షలు పడేవిధంగా ‘దిశ' పరిధిలో విచారణ కేసుల పరిష్కారానికి ప్రత్యేక కోర్టులు: సిఎం జగన్

అత్యాచారాల నిందితులను వెంటనే అదుపులోకి..

కఠిన శిక్షలు పడేవిధంగా ‘దిశ' పరిధిలో విచారణ

కేసుల పరిష్కారానికి ప్రత్యేక కోర్టులు: సిఎం జగన్

విజయవాడ, మార్చి5, ప్రభాతవార్తప్రతినిధి: మహిళా రక్షణకు భద్రతకు మరింత పకడ్బందీ దిశ చట్ట పరి ధిలో కేసులు విచారణ చేపట్టనున్నారు. నిందితులను తక్షణం అరెస్ట్ చేయడంతో పాటు వారి విచారణను  దిశచట్ట తరహాలో జరపనున్నారు. నేరస్తులపై వెంటనే చర్యలు తీసుకునేందుకు వేగవంతంగా కచ్చితమైన సాక్షాధారాలు, ఇతర అంశాలతో ఎఫ్ఎస్ఐర్లు, చార్జీషీట్లు ఫైల్ చేస్తారు. బాలికలు, యువతులు విధిగా దిశ యాప్ను తమ స్మార్ట్ ఫోన్లు డౌన్లోడ్ చేసుకునేందుకు వీలుగా ప్రత్యేక ప్రచార కార్యక్రమాన్ని తీసుకునేందుకు ఎపి ప్రభుత్వం కార్యచరణ చేపట్టింది. ఇప్పటికే ఈ కార్యక్రమానికి విస్తృత ప్రచారం, అవగాహన సద స్సుల నిర్వాహణతో సుమారు రెండు కోట్ల వరకు స్మార్ట్ ఫోన్ యాప్ డౌన్లోడ్ అయ్యే విధంగా చర్యలు తీసుకున్నారు.