సింగిల్ పేజీ కథ

జీవిత లెక్క

- ఓట్ర ప్రకాష్ రావు

ఆ రోజు పదవ తరగతి బాలికలకు పాఠశాలలో ఆఖరి రోజు. ఆఖరి పీరియడు హెడ్మాస్టరు గీతాంజలి వచ్చారు.

హెడ్మాస్టర్ గీతాంజలి లెక్కల సబ్జెక్టు తీసుకొంటుంది. ఆ బడిలో లెక్కల పరీక్షలో అందరూ మంచి మార్కులు తెచ్చుకోవడానికి గీతాంజలి కారణం. అందరికీ అర్థమయ్యేలా లెక్కలు చెప్పడం ఆమె ప్రత్యేకత.

ఆఖరి రోజు క్లాసుకు వచ్చిన గీతాంజలి మేడం లెక్కల పరీక్షలో రావడానికి అవకాశమున్న లెక్కలను విద్యార్థినులు ఆశించారు.

"ఈరోజు మీకిది ఆఖరి రోజు. ఈ చివరి రోజు మీకు జీవిత లెక్కచెబుతాను. మీ చదువులు అంటే డిగ్రీ పూర్తయ్యాక ఎంతమంది ఉద్యోగం చెయ్యాలనుకొంటున్నారు” అడిగారు.

“చాలా మంది విద్యార్థినులు చేతులు పైకెత్తారు.

"మీ ఉద్యోగాన్ని కాపాడుకోవాలంటే ఎలా పని చేయాలి?"

"నిజాయితీతో శ్రద్ధతో ఏకాగ్రతతో..".ఒక విద్యార్థిని.