కలలు నిజమవుతాయా?

వాస్తువార్త

- దంతూరి పండరినాథ్

వాస్తువార్త

వాస్తు విద్వాన్ సాయిశ్రీ డా॥ దంతూరి పండరినాథ్ 3-2-4, కింగ్స్ వే, సికింద్రాబాద్ : 9885446501/9885449458

చంద్రమతి - హైదరాబాద్

ప్రశ్న: చాలామంది తమ కలలో వాళ్ల పూర్వీకులు లేదా గతించిపోయిన పెద్దవాళ్లు కనిపించారని చెప్తూ ఉంటారు. అలా కలలో కనిపించటంలో అంతరార్థం ఏమిటో తెలియక సతమతమవుతూ ఉంటారు. కొంతమంది వాళ్లకి కలలో ఈ పెద్దలు నవ్వుతూ కనిపించారని, అది శుభ సూచకమని కూడా నమ్ముతూ ఉంటారు. ఈ విషయాన్ని ఎలా తీసుకోవాలి?

జవాబు: రాత్రి కలలో ఏం కనపడిందో పొద్దున నిద్ర లేచేవరకు చాలావరకు మర్చిపోతారు. కొంత మందికి పడుకోగానే నిద్ర పట్టేస్తుంది. మాకు అసలు కలలే రావు అంటారు. కొంత మందికి 'సుషుప్తావస్త'లో అంటే నిద్ర పట్టీ పట్టకుండా ఉండే సమయంలో కలలు వస్తాయి. కొంతమంది ఏదో విషయమై తీవ్రంగా ఆలోచిస్తూ ఉంటారు. దానికి సంబంధించిన కలలే వస్తాయి. కొంత మందికి డీప్ స్లీప్లో కలలు వస్తాయి. మరికొంత మందికి తెల్లవారుజామున కలలు పడతాయి.

తెల్లవారుజామున కలలు నిజమవుతాయన్న నమ్మకం చాలామందిలో ఉంటుంది. వీటి గురించి కలల శాస్త్రంలో మీకు ఏ సమయంలో వచ్చే కలలు ఎంతవరకు నిజమవుతాయోనన్న విషయంలో కొంత వివరణ ఉంది.