జ్ఞానోదయం

అదొక డాబా ఇల్లు. ఆ ఇంట్లో ఓ పెద్దమనిషి ఉన్నారు. ఆయనకో ఖరీదైన, విలాసవంతమైన కారు ఉండేది. ఆయన విదేశీయుడు.

- యామిజాల జగదీశ్

అదొక డాబా ఇల్లు. ఆ ఇంట్లో ఓ పెద్దమనిషి ఉన్నారు. ఆయనకో ఖరీదైన, విలాసవంతమైన కారు ఉండేది. ఆయన విదేశీయుడు.

ఎక్కడికి వెళ్లాలన్నా ఆయన ఆ కారులోనే వెళ్లొస్తుంటారు. ఆయన కాళ్లు నేల మీద పడేవి కాదు. ఆయన నడవటం అనేది బహు .

అటువంటి మనిషి ఓ రోజు ఉన్నట్టుండి మరణించారు. ఆ తర్వాత ఆయన గురించి పొరుగూరిలో ఉన్న ఇద్దరు మాట్లాడుకున్నారు. వారిలో ఒక "ఆ పెద్దాయన ఉన్నారే..

ఆయన ఈ లోకాన్ని విడిచిపెట్టిపోయారు" అని.

అప్పుడు మరొకడు “ఎందులో వెళ్లారు? ఆయన కారులోనే కదా!" అని అడిగారు.

ఆ మాటకు మొదటి వ్యక్తికి నవ్వొచ్చింది. ఈ లోకాన్ని విడిచిపెట్టి పోతున్నప్పడు దేనిని తీసుకుపోగలరు? అన్నింటినీ విడిచిపెట్టిపోవలసిందే.

అందుకే ప్రకృతి అన్నింటినీ ఒకేలాగా ఈ లోకానికి పంపుతుంటుంది. అలాగే ఈ లోకాన్ని విడిచేటప్పుడు కూడా ఏదీ తీసుకోనివ్వదు.

ఈ విషయంలో పెద్దా చిన్నా అనే తేడా లేదు. అందరూ ఒక్కటే, సమానమే.

కానీ తేడాలన్నీ మనిషి కల్పించుకున్నదే. నేను పెద్దా నువ్వు పెద్దా... ఇలా ఏవేవో అనుకుంటాం. కానీ జ్ఞానమొచ్చి వాస్తవాలు తెలిసిన తర్వాత ఇటువంటి తేడాలన్నీ తెరమరుగవుతాయి.