അസൂയയ്ക്ക് പകരം സ്വന്തം പരിമിതികളെ ഉൾക്കൊള്ളുക

ഓരോ വിഷയവും പ്രശ്നവും പരിഹരിക്കാൻ അതിന്റേതായ മാർഗ്ഗങ്ങളുണ്ട്.

- സംഗീത മധു

മഹാഭാരതത്തിലെ പ്രശം സനീയവും ശ്രദ്ധേയവുമായ നാമ മാണ് കർണ്ണൻ. ചോദിക്കുന്നവർക്ക് എന്തും ദാനം ചെയ്യുക എന്നതാണ് അദ്ദേഹം പാലിച്ചിരുന്ന പ്രധാന ധർമ്മം. 

അങ്ങനെ ഒരു സന്ദർഭം.

"കർണ്ണനെപ്പോലെ ദാനം ചെയ്യാൻ ഒരിക്കലും ആർക്കും സാധ്യമല്ല.' ആ പ്രശംസാവചനങ്ങൾ മടുത്ത അർജ്ജുനന് തന്റെ അസൂയ നിയന്ത്രിക്കാനായില്ല.

"കൃഷ്ണാ, ഇതൊന്നും അങ്ങ് കേൾക്കുന്നില്ലേ. പൂർണ്ണമായും അങ്ങയിൽ വിശ്വാസമർപ്പിച്ചിരിക്കുന്ന ഒരാളാണ് ഞാൻ. അങ്ങനെയുള്ള എന്നെക്കാളും കർണ്ണനെ മാലോകർ പുകഴ്ത്തു ന്നത് കേൾക്കുന്നില്ലേ?' അർജ്ജുനൻ തേങ്ങി.

അസൂയയുടെ കനൽ അർജ്ജുനഹൃദയത്തിൽ എരിഞ്ഞുതുടങ്ങിയത് കൃഷ്ണൻ അറിഞ്ഞു "എന്തുചെയ്യാം അർജ്ജുനാ ദാനധർമ്മങ്ങൾ അനുഷ്ഠിക്കുന്ന വിഷയത്തിൽ കർണ്ണന് തുല്യൻ മറ്റൊരാൾ ഇല്ല എന്നതാണ് വാസ്തവം. നിനക്ക് വിശ്വാസം വരുന്നില്ലെങ്കിൽ, ഞാനിത് തെളിയിച്ചുതരാം. കൃഷ്ണൻ ശാന്തനായി മറുപടി നൽകി.