മലമേൽ പാറയിലെ ചന്ദനക്കാറ്റ്

മേഘങ്ങളെ കൈനീട്ടിത്തൊടാൻ, ദൂരക്കാഴ്ചകൾ കാണാൻ, ചന്ദനമണമുള്ള കാറ്റേൽക്കാൻ മലമൽപാറയിലേക്ക് വരൂ

- CIBI MATHEW

മലമേലെയൊരു പാറ, ഒന്നല്ല അനേകം പാറകൾ. അറബിക്കടലിനെ തഴുകിയെത്തുന്ന കുളിർകാറ്റേറ്റ് പാറയുടെ മുകളിൽ വെറുതേ അലയാം. അല്ലെങ്കിൽ കുങ്കുമമേഘങ്ങളെ തൊട്ട് സായന്തനം ആസ്വദിക്കാം. കൊല്ലം വാളകത്തിന് സമീപമുള്ള മല മേൽപാറയിലേക്ക് വരൂ, മനം നിറയ്ക്കുന്ന യാത്രയുടെ സാഹസികത നിറഞ്ഞ ട്രക്കിങ്ങിന്റെ പുത്തൻ അനുഭൂതി കാത്തിരിക്കുന്നു.

സമുദ്രനിരപ്പിൽ നിന്ന് ഏകദേശം 700 അടി ഉയരത്തി ലാണ് മലമേൽപാറ സ്ഥിതി ചെയ്യുന്നത്. കൊല്ലത്തിന്റെ കിഴക്കൻ മേഖലയിലെ ഏറ്റവും പ്രകൃതിരമണീയമായ പ്രദേശങ്ങളിലൊന്ന്. വൈകുന്നേരമാണ് മലകയറ്റം തുടങ്ങിയത്. അസ്തമനം ആസ്വദിക്കാമെന്ന് കരുതി. മുൻപ് പലതവണ ഇവിടേക്ക് വന്നി ട്ടുണ്ട്. പക്ഷേ, പഴയപോലെയല്ല ഇപ്പോൾ. യാത്രികർക്കു വേണ്ട സൗകര്യങ്ങൾ ഒരുക്കി മോടിപിടിപ്പിച്ചിട്ടുണ്ട്. നടന്നു നടന്ന് കരിങ്കല്ല് പാകിയ വഴി രണ്ടായി പിരിയുന്ന പാതയുടെ മുന്നിലെത്തി. ഒരുവഴി മലമേൽ ക്ഷേത്രത്തിലേക്കും മറ്റൊന്ന് കുന്നിൻമുകളിലേക്കുമുള്ളതാണ്. ടിക്കറ്റെടുത്ത് ഉള്ളിലേക്ക് പ്രവേശിച്ചു. സമീപമുള്ള പാറയിൽ വിശ്ര മിക്കാനായി കലകസേരകളു ണ്ട്. സുരക്ഷിതത്വത്തിനായി പാറയുടെ അതിരിലായി വേലിക്കെട്ടും. കുറച്ചുസമയം വ്യൂപോയിന്റിൽ നിന്നശേഷം ലഘുഭക്ഷണം കഴിച്ച് ഒരു പട്ടവും വാങ്ങി പാറയുടെ മുകളിലേക്ക് നടന്നു.