ഉവ്വാവ് മാറുവാൻ

മഴതുടങ്ങിയതോടെ കഫക്കെട്ടും ജലദോഷപ്പനിയുമെല്ലാം കുട്ടികളെ ബാധിച്ചേക്കാം. ലക്ഷണങ്ങൾ എളുപ്പം തിരിച്ചറിഞ്ഞ് ചികിത്സിക്കുകയാണ് വേണ്ടത്

- ഡോ.എം.വിജയകുമാർ പ്രൊഫസ്സർ, ശിശുരോഗവിഭാഗം ഗവ.മെഡിക്കൽ കോളേജ്, കോഴിക്കോട്.

സ്കൂൾ തുറന്നതോടെ മഴയും എത്തിയിട്ടുണ്ട്. ഒപ്പം ഒരു പിടി അസുഖങ്ങളും. പനിയും ജലദോഷവും കഫക്കെട്ടുമെല്ലാം കുട്ടികളെ ബാധിക്കാൻ സാധ്യത ഏറെയാണ്. കോവിഡ് കാലം വീട്ടിൽ തന്നെ ആയിരുന്നതിനാൽ കഴിഞ്ഞ രണ്ടുവർഷം ഈ അസുഖങ്ങളൊന്നും കുട്ടികളെ കാര്യമായി ബാധിച്ചിരുന്നില്ല. ഇപ്പോൾ സ്ഥിതി മാറി. കഫക്കെട്ടും മറ്റ് ശ്വാസകോശ അസുഖങ്ങളും കുട്ടികളെ ബാധിച്ചേക്കാം. പൊതുവേ ജലദോഷപ്പനിയുടെ ഭാഗമായാണ് കഫക്കെട്ട്, തുമ്മൽ, എന്നിവ കാണാറുള്ളത്. അസുഖബാധിതരായ കുട്ടികളിൽനിന്ന് മറ്റുള്ളവരിലേക്ക് പടരാനും സാധ്യതയുണ്ട്.

ലക്ഷണങ്ങൾ

കുട്ടികൾ സാധാരണയിൽ കൂടുതൽ വേഗത്തിൽ ശ്വാസോച്ഛ്വാസം നടത്തുന്നുണ്ടെങ്കിൽ ശ്രദ്ധിക്കണം. അത് തീവ്രമായ കഫക്കെട്ടിന്റെ (ന്യുമോണിയയുടെ) ലക്ഷണമായേക്കാം.