തളിർക്കട്ടെ സുന്ദര ഋതു

മനോഹരമായി മുതിരുക എന്ന ആശയത്തെ ജീവിതത്തിൽ സ്വീകരിച്ച് സുന്ദരമാക്കാം വാർധക്യം

- ഡോ. ഷീബാ നൈനാൻ, കൺസൽട്ടന്റ്, ജെറിയാട്രിക് സൈക്യാട്രി, മേയ് ഹോസ്പിറ്റൽ, കോഴിക്കോട്

ജോലിയിൽ നിന്നൊക്കെ വിരമിച്ച് മക്കളുടെ മേലുള്ള ഉത്തരവാദിത്തങ്ങളൊക്കെ ഒഴിഞ്ഞ് സ്വസ്ഥമായ ഒരു തുരുത്തായാകും പുറംകാഴ്ചയിൽ വാർധക്യം അനുഭവപ്പെടുക. പക്ഷേ, ഈ ഘട്ടത്തിൽ ഏകാന്തതയും വിഷാദവും പോലെ പലതും പതിയിരിക്കുന്നുണ്ടെന്നും ഓർക്കുക. ഇനി ജീവിതത്തിൽ എന്താണ് ചെയ്യാനുള്ളത്?” “ആർക്കാണ് ഇനി എന്നെ ആവശ്യം?' തുടങ്ങിയ ചോദ്യങ്ങൾ ജീവിതം ഉയർത്തിയേക്കാം. ദീർഘകാലം ഒന്നിച്ചു ജീവിച്ച പങ്കാളികൾക്കിടയിൽ പോലും അകൽച്ച ഉണ്ടായേക്കാം. ഇതുവരെയും കുടുംബത്തിനും മക്കൾക്കും സമൂഹത്തിനും വേണ്ടി പലതും ചെയ്യാനുണ്ടായിരുന്നു. ഇപ്പോളിനി എന്ത്?' തങ്ങൾ ഉപയോഗശൂന്യരാണെന്ന തോന്നൽ. തനിച്ച് ജീവിക്കേണ്ടി വരുന്നവരുടെ കാര്യത്തിൽ ഈ മടുപ്പിന് ആഴമേറും. പ്രായത്തിനൊപ്പം കൂടുന്ന രോഗങ്ങള്‍ ആത്മവിശ്വാസത്തെയും തകര്‍ക്കും. ഈ ഘട്ടത്തില്‍ തേടിയെത്തുന്ന മാറ്റങ്ങളൊക്കെയും പ്രായമാകലിന്റെ ഭാഗം തന്നെയാണെന്ന്‌ മനസ്സിലാക്കുകയാണ്‌ പ്രധാനം. മനോഹരമായി മുതിരുക എന്ന ആശയത്തെ ജീവിതത്തില്‍ സ്വീകരിക്കുക. ഇനി എന്ത്‌ എന്ന ചോദ്യത്തിന്‌ ഉത്തരങ്ങള്‍ കരുതിവെക്കുക. ഇതിനപ്പുറം കുടുംബത്തിന്റെയും സമൂഹത്തിന്റെയും പിന്തുണയും ആവശ്യമാണ്‌.

വേണം പിന്തുണ