અરીઠા અને શિકાકઈથી વાળની સંભાળ

વાળને મજબૂત અને ચમકદાર બનાવવા માટે અહીં જણાવેલ વાત પર ધ્યાન આપો....

આજકાલ બજારમાં હેર કેર સાથે જોડાયેલ બધા પ્રકારના ઓઈલ અને શેમ્પૂ ઉપલબ્ધ છે. ઘણી બધી પ્રોડક્ટ એવી હોય છે જે વાળની ઉપરથી સંભાળ રાખે છે. વાળને થોડા સમય માટે કાળા અને ચમકદાર બનાવે છે, જેથી તે હેલ્થિ દેખાવા લાગે છે. તેમાંની જે પ્રોડક્ટ કેમિકલ બેઝ બનેલી હોય છે તેની ખરાબ અસર થોડા દિવસ પછી વાળ અને સ્કેલ્પને નુકસાન પહોંચાડવા લાગે છે. વાળ શુષ્ક અને નિસ્તેજ દેખાવા લાગે છે. જોકે ઘણા લોકો હવે હેર કેર માટે ઘરેલુ ઉપાય અજમાવવા વધારે યોગ્ય માનવા લાગ્યા છે. તેઓ અરીઠા અને શિકાકઈમાંથી બનેલી પ્રોડક્ટ જેમ કે શેમ્પૂ અને હેર ઓઈલનો વધારે ઉપયોગ કરવા લાગ્યા છે. જોકે તેના ઉપયોગ વિશે જાણવું જરૂરી બની જાય છે.

અરીઠાનો ઉપયોગ વાળને ધોવા માટે કરવામાં આવે છે. આ કારણસર તેનો શેમ્પૂના ભાગ રૂપે વધારે પ્રયોગ કરવામાં આવે છે. અરીઠા ઝાડ પર થાય છે અને તેના ઝાડ પર ઉનાળામાં ફૂલ આવે છે, જે આકારમાં ખૂબ નાના હોય છે અને તેનો રંગ સામાન્ય લીલો હોય છે. અરીઠાના ફળ જુલાઈ ઓગસ્ટ સુધીમાં આવી જાય છે, જે નવેમ્બર-ડિસેમ્બર સુધીમાં પાકી જાય છે. આ ફળને લોકો માર્કેટમાં વેચી દેતા હોય છે. સૂકવેલા આ ફળનો પ્રયોગ શેમ્પૂ, ડિટર્જન્ટ અથવા હેન્ડવોશ માટેના સાબુમાં કરવામાં આવે છે. તેનો ઉપયોગ વાળને મજબૂત, ચમકદાર અને ભરાવદાર બનાવવા માટે કરવામાં આવે છે.