શ્રીજાના સંઘર્ષ અને હિંમતને સલામ

પારકા બાળકોને અપનાવવા અને તેમને પૂરો પ્રેમ આપવો, લાખોકરોડોના દાનથી વધારે છે

માના મૃત્યુ પછી પિતા પણ મોં ફેરવી લે તો બાળકોનું વર્તમાન અને ભવિષ્ય બગડવું નિશ્ચિત છે પણ બિહારની શ્રીજા ૧૦મા ધોરણમાં ૯૯.૪% માર્ક લાવીને મા અને પિતા બંનેના અભાવમાં મામાના ઘરે રહીને ન માત્ર જીવતા શીખી, તેને ચેલેન્જ પણ સ્વીકારી.

સામાન્ય રીતે વિચારસરણી એ જ છે કે મા-બાપ બંનેના ગયા પછી કાકા કે મામામાસીને ત્યાં ઉછરેલા બાળકો ઘરમાં નોકરની જેમ રહી જાય છે પણ માત્ર ખેડૂત કાકા અને સમાન્ય મામાના જોરે શ્રીજા બિહારની ટોપર બની ગઈ.

શ્રીજા માત્ર ૪ વર્ષની હતી જ્યારે તેની મા નું મૃત્યું થયું અને થોડા સમય પછી પિતાએ બીજા લગ્ન કરી લીધા અને શ્રીજા અને તેની નાની બહેનને નાના-નાની પાસે મૂકીને ક્યારેય સંભાળ પણ ન લીધી. મામાઓએ જ તેને ઉછેરી અને ભણવાની તક આપી.