મિસિસ વર્લ્ડ: સરગમ કૌશલ

મહેનતથી સફળતાના મુકામ સુધી પહોંચવું ઘણું સરળ થઈ જાય છે..

મસિસ વર્લ્ડનો ખિતાબ ૨૧ વર્ષ પછી ફરી એક વાર ભારતના નામે થયો. ગત વર્ષે એટલે કે ૨૦૨૨માં આ ખિતાબ સરગમ કૌશલે જીત્યો, જે એક મોડલ છે, પણ મોડલિંગની દુનિયામાં ડગ મૂકતા પહેલાં તે વિશાખાપટ્ટનમમાં અધ્યાપન કાર્ય કરી રહી હતી. સરગમ ઈગ્લિશ લિટ્રેચરમાં અનુસ્નાતક છે. યૂએસએના લાસવેગાસમાં આયોજિત મિસિસ વર્લ્ડ ૨૦૨૨માં દુનિયાભરમાંથી ૬૩ મહિલાઓએ ભાગ લીધો હતો, પણ આ તાજ સરગમ કૌશલના માથે બિરાજ્યો, મિસિસ વર્લ્ડનો ખિતાબ આ પહેલાં ૨૦૦૧માં ડો. અદિતિ ગોવિત્રીકરે જીત્યો હતો.

સરગમનો જન્મ ૧૭ સપ્ટેમ્બર, ૧૯૯૦ના થયો. જમ્મુ કાશ્મીરની રહેવાસી સરગમ કૌશલ હજી ૩૨ વર્ષની છે. વર્ષ ૨૦૧૮માં તેમના લગ્ન આદિત્ય મનોહર શર્મા સાથે થયા જે ભારતીય નૌસેનામાં લેફ્ટનન્ટ કમાંડર છે. સરગમ પોતાની સફળતાની ક્રેડિટ પોતાના પિતા અને પતિને આપે છે, જે તેમના દરેક કદમ અને દરેક નિર્ણયમાં સાથે ઊભા રહે છે.

સરગમના પિતા જી.એસ. કૌશલ બેંક ઓફ ઈન્ડિયામાં ચીફ મેનેજરના પદ પરથી નિવૃત્ત થયા છે અને માતા રીમા ખજુરિયા એક ગૃહિણી છે. સરગમનો એક નાનો ભાઈ છે મંથન કૌશલ.