સુખદ બનાવો ટ્વિન પ્રેગ્નન્સી

જો જોડિયા બાળકની મા બનવાના છો તો આ વાતનું ધ્યાન રાખવું ખૂબ જરૂરી છે..

રમાના લગ્નને ૮ વર્ષ થયા હતા, પણ તેને કોઈ બાળક નહોતું થઈ રહ્યું. બાળક માટે સારવાર કરાવવા રમા પતિ સાથે ડોક્ટર પાસે ગઈ. કેટલાય દિવસ દવા લીધી, પણ કોઈ ફાયદો ન થયો. રમા અને તેના પતિએ ડોક્ટરની સારવાર કરાવવાની બંધ કરી દીધી. તેના ૭ મહિના પછી જ રમા ગર્ભવતી થઈ ગઈ. તેને લાગ્યું કે બાળક કોઈ દવા લીધા વિના આવ્યું છે. જે રીતે બાળક પેટમાં આવ્યું છે એ રીતે તેનું પ્રસ પણ થઈ જશે, તેણે વિચાર્યું.

અહીં રમાની ભૂલ થઈ ગઈ. તેને કોઈ તકલીફ ન થઈ તો તે કોઈ પણ પ્રકારની તપાસ કરાવવા માટે ડોક્ટર પાસે ન ગઈ. જ્યારે પ્રસવનો સમય લગભગ નજીક આવ્યો અને બાળક નહોતું ફરી શકતું ત્યારે રમાને પેટમાં ખૂબ પીડા થવા લાગી. ત્યારે રમા ડરના માર્યા પતિ સાથે હોસ્પિટલ ગઈ.

હોસ્પિટલ પહોંચતાં તેની હાલત બગડી ગઈ. મુશ્કેલીથી ઓપરેશન કરીને ડોક્ટરોએ રમાને તો બચાવી લીધી, પણ તેના જોડિયા બાળકોને ન બચાવી શક્યા. રમા અને તેનો પતિ પસ્તાઈ રહ્યા છે કે જો સમયસર તપાસ કરાવતા રહેતા અને પ્રસવ સમયે હોસ્પિટલ ગયા હોત તો બાળકને બચાવી શકાયા હોત.

ટેન્શન નહીં સાવચેતી રાખો

હકીકતમાં, બાળક પેટમાં આવતા ડોક્ટરની તપાસ જરૂર કરાવો. પ્રસવ હોસ્પિટલ કે કોઈ જાણકારની દેખરેખમાં થવું જોઈએ. જો પેટમાં જોડિયા બાળક ઊછરી રહ્યા છે તો વધારે સાવચેતી રાખવાની જરૂર છે.