મોનસૂનમાં જરૂરી ઈન્ટિમેટ હાઈજીન

મહિલાઓ માટે મોનસૂનમાં ઈન્ટિમેટ હાઈજીનનું ધ્યાન રાખવું કેમ જરૂરી છે, જાણો આ બાબતે એક્સપર્ટની સલાહ..

મહિલાઓ આજે તમામ ક્ષેત્રમાં પોતાની ઓળખ બનાવી રહી છે, પરંતુ તેઓ શરીર સંબંધિત કોઈ પણ વાતને ખૂલીને બોલી નથી શકતી, પતિને પણ નહીં. અંતરંગ ભાગની કેટલીક બીમારીને તેઓ કોઈને પણ કહી નથી શકતી, તેનું ઉદાહરણ એક લેડી ડોક્ટર પાસેથી સાંભળવા મળ્યું. ૩૫ વર્ષની એક મહિલા ડોક્ટરને પોતાની તકલીફની વાત કહેતા શરમ અનુભવી રહી હતી અને ડોક્ટર તેને ઠપકો આપી રહી હતી, જ્યારે આ મહિલાને ઈંટરનલી કોઈ ગંભીર ઈફેક્શન થઈ ગયું હતું, જેની સારવાર તરત કરવી જરૂરી હતી.

આ વિષયે નાણાવટી મેક્સ સુપર સ્પેશિયાલિટી હોસ્પિટલના પ્રસૂતિ અને સ્ત્રીરોગ વિશેષજ્ઞા, ડો. ગાયત્રી દેશપાંડે જણાવે છે કે આજે પણ નાના શહેરોની મહિલાઓ, કોઈ પુરુષ સ્ત્રીરોગ વિશેષજ્ઞ પાસે તપાસ નથી કરાવતી કે તેમની પાસે ડિલિવરી માટે નથી જતી.

વાસ્તવમાં અંતરંગ સ્વચ્છતા અને સારસંભાળની તેમની શારીરિક તથા માનસિક હેલ્થ પર ખૂબ અસર થાય છે, પરંતુ જાગૃતિની સાથેસાથે સમયસર વલ્વોવજાઈનલ ઈફેક્શનના કેસમાં વધારો થયો છે તેમાં પણ ખાસ કરીને ગરમીની મોસમમાં ઈન્ટિમેટ હાઈજીનને જાળવી રાખવું જરૂરી બની જાય છે, કારણ કે પરસેવા અને ગરમીના લીધે ઈન્ટિમેટ પાર્ટમાં ફંગલ ઈફેક્શન ખૂબ જલદી થાય છે, તેથી મહિલાઓને એ વાતની જાણકારી હોવી જોઈએ કે અંતરંગ સ્વચ્છતા માત્ર સાફસફાઈ નહીં, પરંતુ મોટા પાયે તેમની ભલાઈ સાથે જોડાયેલો વિષય છે.

ધાર્મિક અને સામાજિક અડચણોથી દૂર રહો

મહિલાઓ માટે જરૂરી છે કે તેઓ એવી તમામ સાંસ્કૃતિક, ધાર્મિક અને સામાજિક અડચણોથી સ્વયંને દૂર રાખે, કારણ કે તેમને આ વિષય પર ખૂલીને વાતચીત કરવાથી અને અંતરંગ સારસંભાળના બધા સાધનોનો ઉપયોગ કરવાથી રોકવામાં આવે છે અને કેટલાક ઘરેલુ નુસખાનો પ્રયોગ કરવામાં આવે છે, જેનાથી બીમારી વધી જાય છે અને ઘણી વાર આ ઈફેક્શન એટલું વધારે ફેલાઈ જાય છે કે તેને કંટ્રોલ કરવું મુશ્કેલ થઈ જાય છે. ત્યાં સુધી કે પીડિત મહિલાનું મૃત્યુ સુધ્ધાં થઈ જાય છે.

ઈન્ટિમેટ હાઈજીન શું છે