ఎయిర్పోర్ట్ లుక్కులో ఫ్యాషన్ ట్రెండ్స్

విమాన ప్రయాణాన్ని సౌకర్యంగా, ఫ్యాషనబుల్గా చేసుకోవడానికి ఈ టిప్స్ తప్పకుండా తెలుసుకోండి.

- - పూనం అహ్మద్ •

విమాన ప్రయాణాన్ని సౌకర్యంగా, ఫ్యాషనబుల్గా చేసుకోవడానికి ఈ టిప్స్ తప్పకుండా తెలుసుకోండి.

 విమానంలో ప్రయాణించాలను కున్నప్పుడు మీరు ధరించే దుస్తులు మంచిగా అనిపించడమే కాదు అవి సౌకర్యవంతంగానూ ఉండాలని కోరుకుంటారు. చూడడానికి ఇది చిన్న విషయంగా కనిపించవచ్చు.

కానీ రెండు అంశాలు ఒకే డ్రెస్లో ఉన్నప్పుడు మీరు ఆలోచించాల్సి వస్తుంది. వీటిపై దృష్టి పెట్టాల్సి వస్తుంది. డిపార్చర్, అరైవల్ సమ యాన్ని, ఎయిర్ క్రాఫ్ట్ చల్లదనాన్ని మీరు దృష్టిలో ఉంచుకోవాల్సి ఉంటుంది. మీరు దేశం నుంచి బయటికి వెళుతున్నట్లయితే, ఎయిర్ క్రాఫ్ట్ దగ్గరి నుంచి ఇమిగ్రేషన్ కౌంటర్ వరకు చేరుకునే విషయంలోనూ ఆలోచించాల్సి వస్తుంది.

మీ ఎయిర్ పోర్ట్ లుక్ ఫ్యాషనబుల్గా ఉన్నా సరే ప్రారంభం నుంచి చివరి వరకు మీరు ఫ్రెష్గా కూడా కనిపించాలి. దీని కోసం కింద తెలిపిన చిట్కాలు ఉపయోగించండి.

• మీరు చల్లని వాతావరణం నుంచి వేడి వాతావరణం లేదా వేడి నుంచి చలికి వెళుతున్నట్ల యితే లేయరింగ్ చేయడం చాలా మంచిది. విమానాశ్రయానికి వెళ్లే ముందు రెండు రకాల వాతావరణానికి సరిపడే దుస్తులు సిద్ధం చేసుకోండి.

• చల్లని ప్రదేశం నుంచి వెచ్చని ప్రదేశానికి ప్రయాణం చేసేటప్పుడు సౌకర్యవంతంగా ఉండే తక్కువ బరువు ఉండే దుస్తులను ధరించండి. మీరు చేరుకున్న తర్వాత అదనపు దుస్తులను సులభంగా తీసి వేయవచ్చు. మహిళలు విమానాశ్రయం, విమానంలో వెచ్చగా ఉండేలా పొట్టి చేతులు ఉన్న ఏదైనా కాటన్ ట్యాంక్ టాప్ లేదా ఓపెన్ వూల్ కార్డిగన్ ధరించాలి.