అందాల కురుల కోసం మేలైన చిట్కాలు

దట్టమైన మెరిసే జుట్టుని పొందాలనుకుంటే అనుభవంతో చెబుతున్న కొన్ని ప్రాక్టికల్ చిట్కాలు ఇవిగో...

- - రీతూవర్మ 

దట్టమైన మెరిసే జుట్టుని పొందాలనుకుంటే అనుభవంతో చెబుతున్న కొన్ని ప్రాక్టికల్ చిట్కాలు ఇవిగో...

నాకు తెలివి వచ్చినప్పటి నుంచి కేశాలను సునామీలాగే చూస్తూ వచ్చాను. 12 లేదా 13 ఏళ్ల వయసు (90వ దశాబ్దం)లో నాకు విషయాలు అర్థమయ్యేవి కావు. నూనె రాయటం అనేది అసలే తెలియదు. అరుదుగానే తలకు నూనె రాసేదాన్ని. నా జుట్టు దట్టంగా ఉండేది. ఎంతోమందిని ఆకర్షించేది.స్నేహితురాళ్లు, దగ్గరి, దూరపు బంధువుల్లోని అక్కలు నాలాంటి కురులు పొందాలని ఆశించే వారు. నా కేశాలు అలలుగా ఉండేవి. అందుకే డ్రయ్యర్ వాడకుండానే వేవ్స్ ఉంటాయి.

ఇలాంటి కేశాలు ఉండటంతో మమ్మీ ఎప్పుడూ బాయి కట్ చేయించేది. దీనివల్ల ముందే మామూలుగా ఉన్న నా ముఖం మరింత సింపుల్గా కనపడేది. కండీషనర్, స్పా వంటివి ఆ రోజుల్లో లేవు. కేశాల్ని కడిగేందుకు వారంలో ఒక్కసారే షాంపూ ఇచ్చేవాళ్లు. వారంలోని రోజులు స్నానం సబ్బుతోనే కేశాలను కడుక్కోవాల్సి వచ్చేది. సబ్బు వాడకం, నూనె లేదా ఇతర ఇంటి చిట్కాలు పాటించకపోవటం వల్ల జుట్టు కరుకుగా, డ్రైగా మారిపోయింది.

అయినా ఎలాంటి సంరక్షణ లేకుండానే నా కేశాలకు చిట్లటం, రాలటం వంటి సమస్యలు లేకుండేవి. కాలేజీకి వచ్చిన తర్వాత స్టెప్ కట్ చేయించాను. ఇది నా కేశాల టెక్చర్కి బాగా సెట్ అయ్యేది. ఆ తర్వాత ఒకట్రెండు తెల్ల వెంట్రుకలు కనపడగానే మెహందీ తంతు మొద లైంది. ప్రతి 15 రోజులకోసారి మెహందీ పెట్టుకోవటం వల్ల కేశాలు మెరవటంతోపాటు దృఢంగా అయ్యాయి.ఈ ప్రయోగాలన్నీ పిన్ని, నానమ్మల ఇంటి చిట్కాల వల్ల మంచి ఫలితాలనిచ్చాయి.

షాంపూ కండీషనర్ల ఎంపిక