ఆర్థిక ఒత్తిడి సెక్స్పై ఆధిపత్యం వహిస్తోందా?

సెక్స్ కేవలం శారీరక స్పందన కాదు.ఇందులో భావోద్వేగ అనుబంధం కూడా ముఖ్యమైనది. ఆర్థిక ఒత్తిడి ప్రభావం భావోద్వేగ స్థాయిపై పడుతుంది

- - శైలేంద్ర సింగ్

ఆర్థిక ఒత్తిడి కారణంగా సెక్స్ కోరిక నశిస్తున్న పరిస్థితిలో లైంగిక జీవితాన్ని తిరిగి పట్టాలపై ఎక్కించడానికి ఏం చేయాలి...

సెక్స్ కేవలం శారీరక స్పందన కాదు.ఇందులో భావోద్వేగ అనుబంధం కూడా ముఖ్యమైనది. ఆర్థిక ఒత్తిడి ప్రభావం భావోద్వేగ స్థాయిపై పడుతుంది.ఆందోళనకు గురైన మనసు శరీరానికి పూర్తిగా మద్దతునివ్వదు. దాంతో లైంగిక జీవితం ప్రభావిత మవుతుంది. దీని ప్రభావం భార్యాభర్తల పైనే కాదు కుటుంబం, పిల్లలు, సమాజంపైనా ఉంటుంది. లైంగిక జీవితం సరిగా లేకపోతే అది వ్యక్తి సామర్థ్యాన్ని ప్రభావితం చేస్తుంది.

రకరకాల ఒత్తిడిలు లైంగిక జీవితాన్ని ప్రభావితం చేస్తాయి. అందులో ఆర్థిక ఒత్తిడి ఆ వ్యక్తిని మాత్రమే కాదు, వారి జీవిత భాగస్వామినిసైతం ప్రభావితం చేస్తుంది. డబ్బు లేకపోతే డాక్టర్కి, మందులకు ఇబ్బంది పడతారు.

భాగస్వామిని సంతోషపెట్టడానికి బహుమతులు ఇవ్వడం లేదా వారిని షికారుకు తీసుకువెళ్లడం కష్టమవుతుంది. సంవత్సరాలుగా కలిసి ఉన్నా సరే వారు లోపాలు వెతకడం మొదలుపెడతారు.

కోవిడ్ 19 సమయంలో ఆర్థిక ఒత్తిడి ఏర్పడడానికి అతి పెద్ద కారణాల్లో ఇంటి అద్దె చెల్లించడం, ఉద్యోగం వదిలివేయడం, పూర్తి జీతం పొందకపోవడం, సమయానికి వేతనం అందకపోవడం లాంటివి ముఖ్యమైనవి.

కంపెనీలు తమ ఉద్యోగి జాబ్ వదిలి వెళ్లి పోవడానికి రకరకాల సాకులు చెప్పి వేధిస్తాయి. ఆర్థిక మాంద్యం పరోక్షంగా సెక్స్న ప్రభావితం చేస్తుంది. దీని కారణంగా భార్యాభర్తల మధ్య సహజ సంబంధం క్షీణిస్తుంది.

సామాజిక జీవితంపై ప్రభావం

ఆర్థిక సంక్షోభంలో ప్రజలు పెద్ద నగరాలు, పెద్ద ఇళ్లలో నివసించే మంచి ప్రాంతాలు వదిలేసి, తక్కువ ఖర్చుతో కూడుకున్న ప్రదేశాల్లో నివసించవలసి వచ్చింది. పిల్లలను మంచి స్కూళ్ల నుంచి తక్కువ ఫీజు వసూలు చేసే పాఠశాలకు మార్చవలసి వచ్చింది. ఆర్థిక ఇబ్బందుల ప్రభావం సామాజిక జీవితంపై పడుతుంది. అదే ఒత్తిడికి పెద్ద కారణమవుతుంది.

మహిళలపై దీని ప్రభావం ఎక్కువగా ఉంటుంది. ఇలాంటి పరిస్థితిలో ఆమె భర్తతో సెక్స్ సంబంధం పెట్టుకోలేదు. ఎన్నోసార్లు భర్త చొరవ తీసుకున్నా భార్య నిరాకరిస్తుంది.

ఆర్థిక ఒత్తిడిని అంతం చేయడానికి ప్రజలు పని ఎక్కువ చేయడంతో వారికి సెక్స్కి సమయం కూడా దొరకడం లేదు. పనితో వారు అలసి పోతారు. లైంగిక సంబంధాల సమస్య అలాగే ఉండిపోతుంది.