పెళ్లి సమయంలో ఆకర్షణీయంగా కనపడటమెలా?

అందమైన వధూవరులుగా అందరి హృదయాలను గెలుచు కోవాలంటే ఈ సమాచారం మీ కోసమే...

- - రవి షోరీ నీనా .

అందమైన వధూవరులుగా అందరి హృదయాలను గెలుచు కోవాలంటే ఈ సమాచారం మీ కోసమే...

జీవితంలో యువతీ యువకులకు ఒక్కసారి మాత్రమే వధూవరులయ్యే అవకాశం వస్తుంది. ఈ సందర్భంలో చాలామంది యువకులు మహేష్ బాబు లాగా యంగ్, స్మార్ట్ కనిపించాలని, అమ్మాయిలు కృతీశెట్టిలా మెరిసిపోవాలని కోరుకుంటారు.

పెళ్లి నిర్వహణ బాధ్యత అంతా కుటుంబం పైనే ఉంటుంది. ఈ పెళ్లి సమయంలో అమ్మాయి, అబ్బాయిలకు ఉన్న ఏకైక బాధ్యత తమ దుస్తులు, నగలను ఎంచుకోవడం, వేడుకకు హాజరు కావడానికి సన్నిహితులను, స్నేహితులను, బంధువులను ఆహ్వానించడం, తమ ఫిట్నెస్ గురించి ఆలోచించడం. ఈ సమయంలో చాలా మంది యువతీ యువకులు ఫిట్నెస్ పొందడంలో నిమగ్నమై ఉంటారు. కానీ దీనికోసం చాలా కష్టపడాలి.

సమతుల్య ఆహారం, నియమిత వ్యాయామం

సురేశ్ పెళ్లి నిశ్చయమైంది. రెండు నెలల తర్వాత జరగనుంది. ఈ స్వల్ప వ్యవధిలో అతడు ఫిట్నెస్పై దృష్టి పెట్టాడు. అత్తింటి వాళ్లు తనను చూసి “అబ్బాయి చదువు లోనే కాదు, చూడడానికి ఎంతో బాగున్నాడు” అని మెచ్చుకునేలా తన శరీరాన్ని తయారుచేసుకోవా లనుకున్నాడు. తన వ్యక్తిత్వంతో ఇంటి వాళ్లు ఇతరుల నుంచి ప్రశంసలు పొందడానికి అతను ఒక జిమ్లో చేరి చెమటలు కారేలా వ్యాయామం చేయసాగాడు.