చలికాలం గుండె ఆరోగ్యానికి చిట్కాలు

శీతాకాలం అనగానే మంచి ఆహారం, ఎన్నో పండుగలు చాలా కామన్.అందుకే భారత్లో వింటర్ కోసం ఎదురుచూసే వాళ్లుంటారు.

శీతాకాలం అనగానే మంచి ఆహారం, ఎన్నో పండుగలు చాలా కామన్.అందుకే భారత్లో వింటర్ కోసం ఎదురుచూసే వాళ్లుంటారు. వేడి వేడి స్నాక్స్, స్వీట్స్ ఆస్వాదించటానికి అందరికీ ఇష్టం కలుగుతుంది. చలికాలం వచ్చేటప్పుడు తన తోటి పెద్ద పండుగలు, ఎంజాయ్మెంట్, దోస్తులు, ఫ్యామిలీతో సంబరాలు జరిపే రోజుల్ని తీసుకొస్తుంది. ఈ సీజన్లోనే హృదయంలో సున్నితత్వం పెరుగుతుంది.

శీతాకాలంలో ఉష్ణోగ్రత తగ్గటం వల్ల ఆరోగ్యంపై, ముఖ్యంగా గుండె మీద చాలా ప్రభావం పడుతుంది. దీంతో హార్ట్ ఎటాక్, హార్ట్ ఫెయిల్యూర్, ఫ్లూ మొదలైనవీ ఎదుర్కోవాల్సి వస్తుంది. హృదయం, రక్తప్రసరణ వ్యవస్థ మీద చలి తీవ్ర ప్రభావాన్ని చూపిస్తుంది.

వీటితోపాటు శీతాకాలంలో జనాల్లో చురుకుదనం తగ్గుతుంది. విశ్రాంతి పొందటం, దేహాన్ని వెచ్చబరుచుకోవటం కోసం జనంఇళ్లలోనే ఉండాలనుకుంటారు. దీనివల్ల శరీరానికి తగినంత కసరత్తు లభించకుండా పోతుంది.

ఉష్ణోగ్రతలో మార్పుల వల్ల శరీరంలో ఫిజియోలజికల్ మార్పులొస్తుంటాయి. అందుకే వింటర్లో ఆరోగ్యం కోసం శారీరక జాగ్రత్తలు తీసుకోవాలి. సింపథెటిక్ నెర్వస్ సిస్టమ్ యాక్టివ్ అయిపోవటం వల్ల రక్తనాళాలు కుంచించు కుంటాయి. దీంతో హృదయానికి రక్త లభ్యత తగ్గి బ్లడ్ ప్రెజర్ పెరుగుతుంది. కనుక హార్ట్ ఎటాక్ లేదా స్ట్రోక్ లాంటి ప్రమాదాలు పొంచి ఉంటాయి.

వింటర్లో కరోనరీ ధమనులు సంకోచిస్తాయి.దీంతో కరోనరీ హార్ట్ డీసీజెస్ వల్ల గుండె నొప్పి వచ్చే అవకాశముంది. ఓవైపు శరీర ఉష్ణోగ్రతను స్థిరంగా ఉంచుకోడానికి హృదయం అదనపు శ్రమ చేయాల్సి వస్తుంది. మరోవైపు చలిగాలులు గుండే పడే కష్టాన్ని మరింత కఠినతరం చేస్తాయి.ఎందుకంటే చలిగాలుల వల్ల శరీర ఉష్ణోగ్రత వేగంగా తగ్గిపోతుంది. శరీరంలో వేడి 95 డిగ్రీల కంటే కిందికి వెళ్లటం వల్ల హైపోథర్మియాతో గుండె కండరాలకు హాని కలుగుతుంది.

భారత్లో శీతాకాలం అనగానే అనేక పెద్ద పండుగలు, సెలవులు, వేడుకలు, వంటకాలు కళ్ల ముందుకొస్తాయి. నిద్ర మాత్రం తగినంత ఉండదు. వీటి వల్ల హృదయంపై అదనపు భారం పడుతుంది. సెలవులు, పండుగలు ఎమోషనల్ రెస్పాన్సెస్ని పెంచుతాయి. వాటిని నియంత్రించకుంటే గుండేపై ఒత్తిడి అధికమవుతుంది. వింటర్లో ఎదురయ్యే ఎమోషనల్ ప్రెజర్ని సీజనల్ ఎఫెక్టివ్ డిజార్డర్ అంటారు. దీనివల్ల హార్ట్ ఎటాక్ లేదా స్ట్రోక్ రావచ్చు.