బాధ్యతల బరువులో ఆరోగ్యాన్ని కోల్పోతున్నారా?

ఎల్లప్పుడు బరువు బాధ్యతల వలయంలో మునిగి పోతూ ఆరోగ్యాన్ని విస్మరిస్తున్నారా? దీని వల్ల ఎదురయ్యే సమస్యల్ని కూడా తప్పక తెలుసుకోండి...

- - గరిమా పంకజ్ •

డిల్లీ, ముంబైతోపాటు దేశంలోని 70 మహా నగరాల్లో నిర్వహించిన ఒక సర్వేలో విస్తుపోయే విషయాలు బయటికొచ్చాయి. 'ఇండియన్ ఉమెన్ హెల్త్ 2021' నివేదిక ప్రకారం 67 శాతం మహిళలు తమ ఆరోగ్య సమస్యలపై చర్చించటానికి ముందుకు రావటం లేదు. అనారోగ్యం గురించి మాట్లాడటానికి తమ సామాజిక వర్గంలో అనుకూలత ఉండదని చెప్పారు.

దేశంలో ఉద్యోగం చేస్తున్న మహిళల ఆరోగ్యం సరిగ్గా ఉండటం లేదు. సగం కంటే ఎక్కువ మంది పనితోపాటు స్వయాన్ని ఆరోగ్యంగా ఉంచుకోవటం సవాల్గా భావిస్తున్నారు. మహిళలు నిరంతరం పనిలో ఉంటూ, బాధ్యతలు నిర్వర్తిస్తూ సొంత ఆరోగ్యాన్ని నిర్లక్ష్యం చేస్తున్నారు.

'ద ఇండియన్ ఉమెన్ హెల్త్-2021' ప్రకారం 22 నుంచి 55 ఏళ్ల మధ్య మహిళల్లో 59 శాతం మంది ఉద్యోగం చేస్తున్నవారు ఆరోగ్య సమస్యల్ని ఎదుర్కొంటున్నారు. ఇందువల్ల ఉద్యోగాలు వదిలేస్తున్నారు. 90 శాతం మహిళలు కుటుంబ బాధ్యతల వల్ల పని చేయలేకపోతున్నారు.

52 శాతం మహిళలకు ఉద్యోగం, కుటుంబ బాధ్యతల వల్ల స్వయం కోసం సమయం దొరకటం లేదు. రిపోర్టు ప్రకారం దేశంలో మహిళలు కార్యస్థలంలో ఆరోగ్య సమస్యలు, పీరియడ్స్, బ్రెస్ట్ క్యాన్సర్, గర్భాశయ సంబంధ విషయాలపై మాట్లాడటానికి సంకోచిస్తున్నారు.వాళ్లు చెప్పేదేమిటంటే తమ అనారోగ్యం గురించి వివరించి నప్పుడు 80 శాతం పురుష భాగస్వాములు సెన్సిటివిటీ చూపటం లేదు.

విస్తుగొలిపే విషయాలు  

దేశంలోని ప్రతి నలుగురిలో ముగ్గురు ఉద్యోగ మహిళల ఆరోగ్యం ఆఫీసు - కుటుంబం మధ్య ఉరుకులు పరుగల కారణంగా బలహీనమై పోతోంది.

అధ్యయన సంస్థ వివరాల ప్రకారం ఆఫీసు పని, పిల్లలు, కుటుంబ సంరక్షణ వల్ల ఏర్పడే ఒత్తిడి కారణంగా దినచర్య చాలా బిజీగా ఉంటుంది.అంతేగాక కాలంతోపాటుగా అనేక దీర్ఘకాలిక, సీరియస్ అనారోగ్య సమస్యలు చుట్టేస్తుంటాయి.

ఈ అధ్యయనంలో తేలిందేమిటంటే 32 నుంచి 58 ఏళ్ల వయసు మధ్య నాలుగింట మూడొంతుల ఉద్యోగ మహిళలు కఠిన జీవనశైలి వల్ల దీర్ఘకాలిక రోగాల బారిన పడుతున్నారు. ఊబ కాయం, అలసట, మధుమేహం, హైబీపీ, వెన్ను నొప్పి, హై కొలెస్ట్రాల్ లాంటి రోగాలు వెంటాడుతున్నాయి.