సెలబ్రిటి తల్లుల 'నాజూకు' రహస్యం

డెలివరీ తర్వాత సెలబ్రిటీ తల్లులు కొన్ని రోజుల్లోనే తమ మునుపటి స్లిమ్ బాడీని తిరిగి పొందారు. ఇదెలా సాధ్యం?

- - సోనియా రాణా డబాస్

పి ల్లలకు పుట్టగానే స్త్రీ జీవితం ఎన్నో రకాలుగా మారుతుంది. అది ఆలోచనా విధానం. లేదా అప్పియరెన్స్, ఫిజికల్ లుక్ కావచ్చు. చాలామంది మహిళలు డెలివరీ తర్వాత బరువు పెరిగి బాధపడుతుంటారు. ఈ ఊబకాయం నుంచి అందమైన సెలబ్రిటీలు సైతం బయటపడలేరు. కానీ చాలామంది సెలబ్రిటీలు అతి తక్కువ సమయంలో తమ లావాటి శరీరాన్ని తగ్గించుకుని మునుపటి స్లిమ్గా అయ్యారు.

కానీ ఎలా? మీ ఈ ప్రశ్నకు మేం జవాబు ఇస్తాం. కరీనా కపూర్ దగ్గరి నుంచి అనుష్కా శర్మ, శిల్పా శెట్టి, సోనమ్ కపూర్, ఆలియాభట్ వరకు, వారు లావు తగ్గడంలో ఎలా విజయం సాధించారో ఇప్పుడు తెలుసుకుందాం.

కరీనాకు హెూమ్ మేడ్ ఫుడ్ ఇష్టం

డిసెంబర్ 20, 2016 న కరీనాకు తైమూర్, ఫిబ్రవరి 21, 2021న రెండో కుమారుడు జెహ్ పుట్టారు. అయినా కరీనా తన లుక్తో ప్రజల్ని ఎంతగానో ఆకట్టుకుంది. ఆమె మొదటి ప్రెగ్నెన్సీ సమయంలో బరువు చాలా పెరిగింది. అయినప్పటికీ కరీనా ధైర్యాన్ని కోల్పోలేదు. నిరాశ చెందలేదు. 18 నెలల్లో తన బాడీని రికవర్ చేసుకుంది.

పరిశుభ్రమైన ఆహారం, తేలికపాటి వ్యాయామంతో పాటు నడకతో బరువు తగ్గుతుందని కరీనా నమ్ముతుంది. అయితే ఇందులో ఎలాంటి తొందరపాటు ఉండకూడదు.మీరు మీ బరువు నెమ్మదిగా కంట్రోల్ చేసుకునే దిశగా వెళ్లాలి. ఈ సమయంలో మహిళలు తక్కువ కార్బోహైడ్రేట్లను తీసుకుంటారు.దాంతో తొందరగా బరువు తగ్గుతుంది కానీ కరీనా మాత్రం నెమ్మదిగా తన డైట్లో పౌష్టికాహారాన్ని చేర్చి బరువు తగ్గించుకుంది. చాలాసార్లు వేదికలపై కరీనా తన ఫిట్నస్కు కారణం ఆహారపు అలవాట్లనే చెప్పింది.

సెలబ్రిటీ న్యూట్రషనిస్ట్ రుతుజా దివేకరి కరీనాతో చాలాకాలంగా అనుబంధం ఉంది. ఇంట్లో వండిన ఆహారం, సీజనల్ ఫ్రూట్స్లోనే కరీనా తన హెల్తీ ప్రెగ్నెన్సీ, పోస్ట్ ప్రెగ్నెన్సీ, బరువును కంట్రోల్ చేసారని ఆమె చెప్పింది.