వృద్ధాప్యం రాకుండా చేసే ఉపాయాలు

డైలీ లైఫ్లో కొన్ని ఉపాయాలు పాటిస్తే మీరు యవ్వనంగా, నిత్య నూతనంగా కనపడతారు. అవేమిటంటే...

- - శోభా కఠారే

యం గ్గా కనపడటానికి ముఖ్యంగా మీ లైఫ్ స్టయిల్, ఆహార అలవాట్లు, పడుకుని లేచే వేళల్లో మార్పులు, వాకింగ్, రన్నింగ్ లాంటి కొన్ని వ్యాయామాలు మొదలైనవని గమనించండి.

దినచర్యను సరిచేసుకొని వీటిని పాటించినట్లయితే తప్పకుండా మీరు చాలా ఆరోగ్యంగా, ఎప్పటికీ యవ్వనంగా కనపడతారు.మీలో మీకే ఎంతో కంఫర్టుగా అనిపిస్తుంది.

ఎలాంటి ఉపాయాలు మిమ్మల్ని నిత్య యవ్వనంతో మెరిసేలా చేస్తాయో ఒక్కొక్కటిగా తెలుసుకుందాం.

సరైన టైంలో సరైన పని : మారుతున్న లైఫ్ స్టయిల్స్, టెక్నాలజీ యుగంలో నిద్ర సరిగా లేకపోవటం పెద్ద సమస్య అవుతోంది. ఈ రోజు అందరికీ రోజంతా ఉరుకులు పరుగులు ఉంటున్నాయి. కనుక రాత్రి సమయమే కాస్త ఫ్రీగా ఉంటారు కానీ ఈ వేళలోనూ మొబైల్ తీసుకొని కూర్చుంటారు, లేదంటే తిండి తిప్పలన్నీ టీవీ ముందే కొనసాగిస్తుంటారు. కొన్నిసార్లు అదుపు లేకుండా జంకుడ్ తినేస్తారు. ఈ విధంగా కాలం వేగంగా గడిచిపోతూ ఉంటుంది. దీంతో నిద్ర వేళలు మారుతుంటాయి. ఆలస్యంగా పడుకోవటం వల్ల ఉదయం లేవటంతో ఇబ్బందులు ఎదురవుతుంటాయి. కనుక లేచినప్పుడు ఫ్రెష్ నెస్ ఉండదు. ఇదంతా కలిసి మన ఆరోగ్యాన్ని ప్రభావితం చేస్తుంది. అందుకే మనల్ని మనం ఎల్లప్పుడూ హెల్దీగా, యాక్టివ్ ఉంచుకోడానికి సరైన సమయంలో నిద్రపోయి, లేచేందుకు అలవాట్లు మార్చుకోవాలి.

దినచర్యలో ఈ ఆరోగ్యకరమైన అలవాట్లు పెట్టుకుంటే ఆరోగ్యంపైన, శరీరంపైనా చాలా పాజిటివ్ ప్రభావం కనిపిస్తుంది.

• మంచి నిద్రతో ఇమ్యూనిటీ పెరుగుతుంది. దీంతో శరీరంలో అనేక రోగాలను ఎదుర్కొనేందుకు శక్తి ఏర్పడుతుంది.ఫలితంగా వ్యాధుల బారిన పడటం నుంచి రక్షించుకోవచ్చు.

• పరిశోధనల ప్రకారం... సరైన నిద్ర వల్ల శరీరంలో రిపేరింగ్ ప్రక్రియ, రీజనరేషన్, రికవరీ వంటివి సవ్యంగా జరుగుతాయి.

• 7-8 గంటలు నిద్రిస్తే మెదడు తాజాదనాన్ని పొందుతుంది. దీంతో మన జ్ఞాపకశక్తి, విశ్లేషణా సామర్థ్యం, ఆలోచనా శక్తి పెరుగుతాయి. పనుల్ని క్రమ పద్ధతిలో పూర్తి చేయగల్గుతాము.

• దీనితో మన కార్య దక్షత పెరుగుతుంది. అంతేగాక పనులన్నీ వేగంగా పూర్తి చేస్తాము.

• మానసిక ఆరోగ్యం బాగుంటుంది.

• కనీసం 7-8 గంటలు హాయిగా నిద్రిస్తే ఊణుకాయం, మధుమేహం, హృద్రోగాలు, హైబ్లడ్ ప్రెషర్ వంటి రోగాలు దూరం చేసుకోగల్గుతాము.