అమ్మాయిలకు ఉద్యోగం అవసరమా?

తమ అర్హతలకు తగ్గ ఉద్యోగాలు అమ్మాయిలు తప్పకుండా చేయాలి. ఎందుకంటే...

-  - ప్రియాంక యాదవ్ •

ఉద్యోగం పురుష లక్షణం అన్నారు మన పెద్దలు.కానీ మారిన కాల మాన పరిస్థితుల ప్రకారం ఉద్యోగం చేయడం అబ్బాయిలకు ఎంత ముఖ్యమో అమ్మాయిలకూ అంతే ముఖ్యం.నేటి పరిస్థితుల్లో అమ్మాయిలు, అబ్బాయిల కన్నా తక్కువ జీతానికి ఉద్యోగాలు చేయాలా? అనే ప్రశ్న తలెత్తుతున్నది. దీనికి అవుననే అంటున్నారు. అమ్మాయిలు తమ విద్యార్హతల కంటే తక్కువ ఉద్యోగం వచ్చినా వెంటనే చేరిపోవాలి.చాలామంది అమ్మాయిలు తక్కువ జీతం వచ్చే ఉద్యోగాల్లో చేరరు.ఎందుకంటే తమ పరువు పోతుందని అనుకుంటారు. జీతం తక్కువగా ఉద్యోగాలు వచ్చినా, వాటిలో చేరకుండా వదిలేసి ఇంట్లోనే ఉంటున్నారు. ఇది పూర్తిగా తప్పు.

ఇలాంటి ఉద్యోగాలు చేయడం వల్ల ఆడపిల్లలు కనీసం పాకెట్ మనీ అయినా సంపాదించుకోవచ్చు. అంతేకాకుండా వారు తమకు బయటి ప్రపంచం గురించి తెలుసుకునే ఏకైక ఆసరా ఉద్యోగమని అర్థం చేసుకోవాలి.మరో లాభం ఏమంటే ఉద్యోగం వల్ల జీవితంలో కొత్త అనుభవాలు ఎదురైతాయి.

బతకటానికి సరిపోని జీతం లేని ఉద్యోగం ఏమిటి అని ఎవరైనా అన్నా, ఆఫీసు రాకపోకలకే ఆ జీతం సరిపోతుందని అన్నా దాన్ని పట్టించుకోవద్దు.

ఆ ఉద్యోగం చేస్తూనే మరో ఉద్యోగాన్ని వెతుక్కోవచ్చు. ఈ అనుభవం అక్కడ పనికి రావచ్చు. ఆడపిల్లలను ఉద్యోగం చేయవద్దని చెప్పే వారు ఆడవారి పురోగతిని కోరుకోలేరు.

వారి ఆలోచనలను తిప్పి కొట్టాలి

వాస్తవానికి అలాంటి వ్యక్తులు అమ్మాయిలు ఎప్పుడూ అబ్బాయిల కంటే వెనుకబడి ఉండాలని, వాళ్లను ఆపాలని కోరుకుంటారు. అమ్మాయిలు అబ్బాయిలతో సమానంగా భుజం భుజం కలిపి నడవడం వాళ్లు సహించరు. దీని వెనుక కారణం వారి సంప్రదాయవాద ఆలోచనలే. అమ్మాయిలు ఈ ఆలోచనలను ఎదిరించి అవి తప్పని నిరూపించాలి. ఏ విషయంలోనూ అబ్బాయిల కంటే అమ్మాయిలు తక్కువ కాదని చెప్పాలి.ఇందుకోసం అమ్మాయిలు ఏ ఉద్యోగం వచ్చినా చేయాలి.

మత ఆచారాలంటూ ఆడపిల్లలను అడ్డుకునే ప్రయత్నం చేసే వారు సమాజంలో చాలామంది ఉంటారు. అలాంటి పరిస్థితుల్లో అమ్మాయిలు వారి మాట వినకూడదు. ఆడ పిల్లలను ఇంటి నాలుగు గోడల మధ్య ఉంచడానికే మతం ఏర్పడిందని, మత పెద్దలని చెప్పుకునే వారు ఆడపిల్లలను ఇంటి నుంచి బయట అడుగుపెట్టడానికి అస్సలు అంగీకరించరు.

ఎందుకంటే అలా తమ చేయడంతో అమ్మాయిలు హక్కులను తెలుసు కుంటారని,మతం వారిని నియంత్రించ టానికి మాత్రమే ఏర్పడిందని వారు వాదిస్తారు.