మన దేశంలో విడాకులు అంత ఈజీ కాదు

వీలైనంత వరకు భార్యాభర్తలు విడిపోకూడదనేది నిజమే.

- - అనితా గౌర్ •

వీలైనంత వరకు భార్యాభర్తలు విడిపోకూడదనేది నిజమే.

కానీ కలిసి జీవించడం ఇద్దరికీ కష్టంగా మారినప్పుడు వారిద్దరూ విడాకులు తీసుకుని విడివిడిగా జీవించాలను కున్నప్పుడు న్యాయస్థానాలు వారిద్దరి సంబంధాన్ని సాగదీస్తూ ఇరుకున పెట్టడం

ఎంతవరకు సమంజసం?

భారతీయ సంస్కృతిలో వివాహం లేదా భార్యాభర్తల సంబంధం ఏడేడు జన్మలదని అంటుంటారు. ఆ వివాహ బంధాన్ని తెంచుకొని విడాకులు తీసు కోవడం మన దేశంలో అంత ఈజీ కాదు. ఒక కోర్టు అధికారులు, న్యాయవాదుల ప్రకారం భారత దేశంలోనే ఒక అరుదైన కేసిది. బహుశా ఇదే మొదటిది కావచ్చు. ఈ కేసు విచారణలో ఇరు పక్షాలు హాజరు కాలేదు. చట్టాల ప్రకారం సాధారణంగా కనీసం ఒకరైనా కోర్టుకు హాజరు కావాలి. అమెరికాలో నివసిస్తున్న భర్త, ఆస్ట్రేలియాలో నివసిస్తున్న భార్యలను వీడియో కాన్ఫరెన్స్లో విచారించిన కోర్టు, వారి సమ్మతితో విడాకుల కాపీని వారిద్దరికీ ఇమెయిల్లో పంపించింది.

వృత్తిరీత్యా సాఫ్ట్వేర్ ఇంజనీర్లు అయిన భార్యా భర్తలిద్దరికీ 30 ఏళ్లు కూడా నిండలేదు. కానీ వారిద్దరి మధ్య అభిప్రాయభేదాలు ఎంతగా ముదిరి పోయాయంటే, విడాకుల కోసమే వారు విదేశాలకు వెళ్లిపోయారంటే అతిశయోక్తి కాదు. వారిద్దరూ కోర్టులో విడాకులు పొందటానికి 6 నెలల ముందే కావాలని భర్త అమెరికాలో ఉద్యోగం వెతుక్కుంటే భార్య ఉద్యోగం కోసం ఆస్ట్రేలియాకి వెళ్లి పోయింది. విడాకుల కేసు కోర్టులో విచారణకు రావడంతో తాము విచారణ కోసం కోర్టుకు రాలేమన్నారు. దాంతో కోర్టు వీడియో కాన్ఫరెన్స్లో వారిని విచారించింది. దాని వలన సమయంతో పాటు ఖర్చు కూడా మిగిలింది. సాధారణంగా ఎవరైనా భార్యాభర్తలు విడాకులు తీసుకోవాలంటే కనీసం రూ.2 లక్షల వరకు ఖర్చు అవుతుంది. ఆన్లైన్ విచారణతో ఇరువైపులా ప్రయాణ సమయం ఆదా అయింది.

విడాకులు పొందడం అంత సులభమేమీ కాదు

సాధారణంగా విడాకులు తీసుకోవడం లేదా విడిపోవడం అనేది ఒక రోజులో లేదా అప్పటికప్పుడు కొన్ని క్షణాల్లో తీసుకునే నిర్ణయం కాదు. ఈ ప్రక్రియ పూర్తి కావాలంటే నెలల నుంచి సంవత్సరాలు పడుతుంది. దానివల్ల విడిపోయిన భార్యాభర్తలు మానసికంగా, శారీరకంగా ' ఇబ్బందులకు గురవడమే కాకుండా ఆర్థికంగా చాలా నష్టపోతారు.